തദ്ദേശതെരഞ്ഞെടുപ്പിൽ മൂന്നാം ഘട്ട വോട്ടെടുപ്പ് നാലര മണിക്കൂർ പിന്നിടുമ്പോൾ പോളിംഗ് ശതമാനം 37.27 ആയി. കാസർഗോഡ് – 35. 7, കണ്ണൂർ -36.29, കോഴിക്കോട് – 36. 02, മലപ്പുറം – 36.62 എന്നിങ്ങനെയാണ് ജില്ലകൾ തിരിച്ചുള്ള പോളിംഗ് ശതമാനമെന്നാണ് ഒടുവിൽ ലഭിക്കുന്ന വിവരം. ആദ്യരണ്ടു ഘട്ടത്തേക്കാളും മികച്ച പോളിംഗാണ് മൂന്നാം ഘട്ടത്തിലെന്നാണ് കണക്കുകൾ സൂചിപ്പിക്കുന്നത്.മലപ്പുറം പെരുമ്പടപ്പ് കോടത്തൂരിൽ പോളിംഗിനിടെ ബൂത്തിന് മുമ്പിൽ സംഘർഷം ഉണ്ടായി. എൽഡിഎഫ്, യുഡിഎഫ് പ്രവർത്തകർ തമ്മിലാണ് സംഘർഷം ഉണ്ടായത്. യുഡിഎഫ് സ്ഥാനാർത്ഥി സുഹറ അഹമ്മദിന് പരിക്കേറ്റു.സ്ഥലത്ത് പൊലീസ് ലാത്തിവീശി.