സർവ്വമംഗളകാരിണിയും അഭീഷ്ടവരദായനിയുമായ വിഴിഞ്ഞം വെങ്ങാനൂർ പൗര്ണ്ണമിക്കാവ്, ശ്രീ ബാല ത്രിപുര സുന്ദരി ക്ഷേത്രത്തിലെ ഈ വർഷത്തെ നവരാത്രി ആഘോഷം പൗർണ്ണമി ദിവസമായ ഒക്ടോബർ 28 ശനിയാഴ്ച വരെ തുടരും. നാളെ വിജയദശമി ദിനത്തിൽ രാവിലെ 10 മുതൽ വിദ്യാരംഭ ചടങ്ങുകൾ ആരംഭിക്കും. ഐ.എസ്.ആർ.ഒ. ചെയർമാൻ ഡോ.സോമനാഥ്, ഐ.എസ്.ആർ.ഒ. മുൻ ചെയർമാൻ ഡോ.ജി മാധവൻ നായർ, വി.എസ്.എസ്.സി. ഡയറക്ടർ ഉണ്ണികൃഷ്ണൻ, മുൻ ഡി ജി പി ലോകനാഥ് ബെഹ്‌റ, തിരുവനന്തപുരം വി എസ് എസ് സി ഡയറക്ടർ എം സി ദത്തൻ, മുൻ ചീഫ് സെക്രട്ടറി രാമചന്ദ്രൻ നായർ IAS, പൂജനീയ യജഞാചാര്യൻ ഭാഗവത ചൂഢാമണി ഡോ. പള്ളിക്കൽ സുനിൽ തുടങ്ങിയ പ്രമുഖർ കുട്ടികൾക്ക് അക്ഷരാരംഭം കുറിക്കും.
ഒക്ടോബർ 15 മുതൽ നടന്നുവരുന്ന ദേവി മാഹാത്മ്യസത്രം ദശമി ദിനത്തിൽ പൂർണ്ണമാകും. ഭാഗവതാചാര്യൻ പള്ളിക്കൽ സുനിലിന്റെ നേതൃത്വത്തിൽ ശിവപുരാണ വിശകലനം 25 മുതൽ 28 വരെ തുടരും. അഭിനവ ക്ഷേത്രയുടെ ഭരതനാട്യം, കുച്ചുപൊടി, കേരള നടനം, മോഹിനിയാട്ടം, നാടോടി നൃത്തം തുടങ്ങിയ ചടങ്ങുകളും ഒരുക്കിയിട്ടുണ്ട്. 28 ആം തീയതി കേരള ഗവർണർ ആരിഫ് മുഹമ്മദ് ഖാൻ ചടങ്ങുകൾ ഉദ്ഘാടനം ചെയ്യും.
പുണ്യനിമിഷങ്ങൾ തത്സമയം ലോകമെമ്പാടുമുള്ള ഭക്തരിലെത്തിക്കാൻ കൈകോർത്ത് തത്വമയിയും.
http://bit.ly/3ZsU9qm
