റംസാൻ നാളിൽ റോഡിൽ നിസ്ക്കാരം; ശേഷം ഹമാസിന് പിന്തുണയുമായി കൊടിയുമേന്തി മുദ്രാവാക്യം; യുവാക്കളെ കസ്റ്റഡിയിലെടുത്ത് യുപി പോലീസ്

ലക്നൗ : റംസാൻ നാളിൽ റോഡിൽ നിസ്കരിച്ച ശേഷം ഹമാസിന് പിന്തുണയുമായി കൊടിയുമേന്തി മുദ്രാവാക്യം മുഴക്കിയ യുവാക്കളെ കസ്റ്റഡിയിലെടുത്ത് യുപി പോലീസ്. ഉത്തർപ്രദേശിലെ അലിഗഢ്, പഞ്ചാബിലെ ലുധിയാന തുടങ്ങിയ സ്ഥലങ്ങളിലാണ് നിസ്ക്കാരത്തിന് ശേഷം പലസ്തീനെ പിന്തുണക്കാനെന്ന പേരിൽ ഹമാസ് അനുകൂല മുദ്രാവാക്യം വിളിക്കുകയും പോസ്റ്ററുകള് പതിക്കുകയും ചെയ്തത്.

അലിഗഡ് നഗരത്തിലെ പഴയ ഈദ്ഗാഹിൽ പ്രാർത്ഥനയ്‌ക്ക് ശേഷം ചില യുവാക്കൾ പലസ്തീൻ പതാക ഉയർത്തുകയും ചെയ്തു. ഈ ബാനറുകളിലും പോസ്റ്ററുകളിലും ‘ഫ്രീ പലസ്തീൻ’ എന്നെഴുതിയിരുന്നു. മാത്രമല്ല, ‘മസ്ജിദ് അഖ്‌സ സിന്ദാബാദ്’, ‘ബൈത്തുൽ മുഖദ്ദസ് സിന്ദാബാദ്’, ‘ഗാസ സിന്ദാബാദ്’, ‘പലസ്തീൻ സിന്ദാബാദ്’, ‘നാരാ-ഇ-തക്ബീർ അല്ലാഹ് ഹു അക്ബർ’ എന്നീ മുദ്രാവാക്യങ്ങളും ഇവർ ഉയർത്തി.

പൊതുസ്ഥലങ്ങളിൽ നിസ്കരിക്കുന്നത് യുപിയിൽ നിരോധിച്ചിരിക്കുന്നു. ഇത് വകവയ്‌ക്കാതെയാണ് യുവാക്കൾ റോഡിൽ നിസ്‌കരിച്ചത്. ഇതേക്കുറിച്ച് മാറ്റ് യാത്രക്കാർ ചോദിച്ചപ്പോൾ ഈദ്ഗാഹിൽ എത്താൻ താമസിക്കുമെന്നായിരുന്നു ഇവരുടെ മറുപടി. നാട്ടുകാർ വിവരം അറിയിച്ചതിനെ തുടർന്ന് പോലീസെത്തി ഇവരെ കസ്റ്റഡിയിലെടുക്കുകയായിരുന്നു.