കോഴിക്കോട്: പതിനേഴുകാരനെ പീഡിപ്പിച്ച കേസില് ജയില് (Jail) ജീവനക്കാരന് പിടിയിൽ. കണ്ണൂര് സെന്ട്രല് ജയില് അസി.പ്രിസണ് ഓഫീസര് ആവള സ്വദേശി ഭഗവതി കോട്ടയില് ബി ആര് സുനീഷിനെയാണ് (40) കസബ പൊലീസ് അറസ്റ്റുചെയ്തത്.
പ്രതിക്കെതിരെ നിലവില് അഞ്ച് കേസുകളുണ്ട്. മലപ്പുറം സ്വദേശിയായ പതിനേഴുകാരനെ കോഴിക്കോട് നഗരത്തില് വച്ചാണ് പ്രതി പീഡിപ്പിച്ചത്. നഗരത്തിലെ വിവിധ ലോഡ്ജുകളില് പൊലീസ് ഉദ്യോഗസ്ഥനെന്ന് പരിചയപ്പെടുത്തി മുറിയെടുത്താണ് സുനീഷ് കുട്ടിയെ പീഡനത്തിനിരയാക്കിയത്. പൊലീസ് എന്ന് പരിചയപ്പെടുത്തിയാണ് ലോഡ്ജില് മുറിയെടുത്തത്. തുടര്ന്ന് കുട്ടിയെ എത്തിച്ച് പീഡിപ്പിക്കുകയായിരുന്നു. നേരത്തെ കോഴിക്കോട് ജില്ലാ ജയിലിലും ഇയാള് ജോലിചെയ്തിട്ടുണ്ട്.
