മനാമ: യെമനിലെ മാരിബിലും ശബ്വയിലും സൗദി (Saudi) സഖ്യസേന നടത്തിയ വ്യോമാക്രമണങ്ങളില് 200 ലേറെ ഹൂതി വിമിതര് കൊല്ലപ്പെട്ടതായി റിപ്പോർട്ട്. ആക്രമണത്തിൽ 22 സൈനിക വാഹനങ്ങളും ഉപകരണങ്ങളും തകർത്തതായാണ് വിവരം. ശബ്വയില് 23 വ്യോമാക്രമണങ്ങളില് 133 ഹൂതികളും മാരിബില് 12 വ്യോമാക്രമണങ്ങളില് 97 ഹൂതികളും കൊല്ലപ്പെട്ടതായി സഖ്യ സേന അറിയിച്ചു.
ഞായറാഴ്ച രാത്രിയും തിങ്കളാഴ്ച പുലര്ച്ചെയുമായി സൗദിക്കുനേരെ ഹുതികളുടെ അഞ്ച് ഡ്രോണ്, മിസൈല് ആക്രമണ ശ്രമമുണ്ടായി. ലക്ഷ്യത്തിലെത്തും മുമ്പ് ഇവ സഖ്യസേന തകര്ത്തായി സേനാ വക്താവ് അറിയിച്ചു. യെമന് തലസ്ഥാനമായ സനയില് നിന്നാണ് സ്ഫോടകവസ്തുക്കള് നിറച്ച പൈലറ്റില്ലാ വിമാനങ്ങള് അയച്ചതെന്നും വക്താവ് പറഞ്ഞു.തിങ്കളാഴ്ച പുലര്ച്ചെ വിമിതരുടെ നിയന്ത്രണത്തിലുള്ള അല്ബൈദായിലെ അല് സവാദിയ സൈനിക ക്യാമ്പിന് നേരെയും സഖ്യസേന ശക്തമായ ആക്രമണം നടത്തി. ക്യാമ്പില് നിന്ന് ഒഴിഞ്ഞുപോകാന് സാധാരണക്കാര്ക്ക് ഞായറാഴ്ച രാത്രിവരെ സമയം അനുവദിച്ചിരുന്നു.

