തിരുവല്ല മനയ്ക്കൽച്ചിറയിൽ നടന്ന എസ്.എൻ.ഡി.പി യോഗത്തിന്റെ പരിപാടിയിൽ പങ്കെടുക്കാനെത്തിയ പത്തനംതിട്ടയിലെ സിപിഎം സ്ഥാനാർത്ഥി വീണാജോർജ്ജിനെതിരെ ശരണം വിളിച്ച് പ്രതിഷേധം.പ്രതിഷേധത്തെ തുടർന്ന് വീണ പരിപാടിയിൽ പങ്കെടുക്കാതെ മടങ്ങി .
പത്തനംതിട്ടയിൽ നിന്നും വീണ ജോർജ് വിജയിച്ചാൽ മലകയറുമെന്നും ശ്രീകോവിലിനടുത്തു നിന്നും സെൽഫി എടുക്കുമെന്നും അരവണ കൗണ്ടറിൽ സാനിറ്ററി നാപ്കിൻ വിൽക്കുമെന്നും പ്രതിപാദിച്ചു എസ്എഫ്ഐ വാഴൂര് ഏരിയാ കമ്മിറ്റി അംഗം വിഷ്ണു ജയകുമാര് ഫേസ്ബുക് പോസ്റ്റിട്ടത് ഏറെ വിവാദമായിരുന്നു.എന്നാൽ ഫേസ്ബുക് പോസ്റ്റ് കെട്ടിച്ചമച്ചതാണെന്നും ആരോപണമുണ്ട് .എന്തായാലും മണ്ഡലത്തിൽ ഉട നീളം ശബരിമല തിരഞ്ഞെടുപ്പ് പ്രചാരണത്തിൽ ചൂടേറിയ വിഷയമായി കഴിഞ്ഞിരിക്കുകയാണ് .
