മുംബൈ: സ്കോര്‍പീന്‍ ക്ലാസ് അന്തര്‍വാഹിനി കപ്പലുകളില്‍ രണ്ടാമത്തേതായ ഐ.എന്‍.എസ് ഖണ്ഡേരി നാവികസേനയുടെ ഭാഗമായി. അന്തര്‍വാഹിനി കമ്മിഷന്‍ ചെയ്യുന്ന ചടങ്ങില്‍ കേന്ദ്ര പ്രതിരോധ മന്ത്രി രാജ്‌നാഥ് സിംഗ് പറഞ്ഞത് ഇതോടെ ഇന്ത്യന്‍ നാവികസേനയുടെ കരുത്ത് എന്താണെന്ന് പാകിസ്ഥാന്‍ മനസിലാക്കണം എന്നാണ്.
ഐ.എന്‍.എസ് കല്‍വരിക്ക് ശേഷം ഇന്ത്യന്‍ നാവികസേനയുടെ ഭാഗമാകുന്ന ഐ.എന്‍.എസ് ഖണ്ഡേരി ഇന്ത്യന്‍ നാവികസേനയുടെ മാരക പ്രഹരശേഷിയുള്ള അന്തര്‍വാഹിനികളില്‍ ഒന്നാണ്. മുംബൈ പശ്ചിമ നാവികസേന ആസ്‌ഥാനത്ത് നടന്ന ചടങ്ങില്‍ കേന്ദ്ര പ്രതിരോധ മന്ത്രി രാജ്‌നാഥ് സിംഗാണ് ഈ അന്തര്‍വാഹിനി കമ്മിഷന്‍ ചെയ്തത്. നാവിക സേന മേധാവി അഡ്മിറല്‍ കരംബീര്‍ സിംഗ് ചടങ്ങില്‍ സാന്നിഹിതനായി.
