പൂജവെയ്പ്പിനോടനുബന്ധിച്ച് സെപ്റ്റംബർ മുപ്പതാം തീയതി പൊതു അവധി പ്രഖ്യാപിക്കണമെന്നാവശ്യപ്പെട്ട് അഖില കേരള ജ്യോതിശ്ശാസ്ത്ര മണ്ഡലം.സന്ധ്യയ്ക്ക് അഷ്ടമി തിഥി വരുന്ന ദിവസമാണ് പൂജ വെയ്പ്പിനായി സ്വീകരിക്കേണ്ടത്. അപ്രകാരം അഷ്ടമി സന്ധ്യാസമയം കടന്നുവരുന്ന സെപ്റ്റംബർ 29 ആണ് പൂജവെയ്പ്പിന് അത്യുത്തമം. അന്ന് തന്നെ പൂജ വയ്ക്കണമെന്നും അഖില കേരള ജ്യോതിശ്ശാസ്ത്ര മണ്ഡലം സംസ്ഥാന അദ്ധ്യക്ഷൻ ഡോ. കെ.ബാലകൃഷ്ണ വാര്യർ അറിയിച്ചു.
നിലവിൽ പ്രവൃത്തി ദിവസമായി കാണുന്ന സെപ്റ്റംബർ 30ന് സർക്കാർ പൊതു അവധി പ്രഖ്യാപിക്കണമെന്ന് ജ്യോതിശാസ്ത്ര മണ്ഡലത്തിന് വേണ്ടി സംസ്ഥാന അദ്ധ്യാക്ഷൻ ഡോ.കെ ബാലകൃഷ്ണ വാര്യർ, കാര്യാധ്യക്ഷൻ ചെത്തല്ലൂർ വിജയകുമാർ , ജനറൽ സെക്രട്ടറി എസ്സ്.ശ്രേയസ്സ് സംഘടന സെക്രട്ടറി എസ്സ്.ജയകൃഷ്ണൻ എന്നിവർ ആവശ്യപ്പെട്ടു.
