Saturday, November 21, 2026

‘ഒട്ടും സന്തോഷകരമല്ലാത്ത ചില നിമിഷങ്ങളിലൂടെയാണ് കടന്നുപോവുന്നത്’; ടെന്നീസ് ഇതിഹാസം റാഫേല്‍ നദാലിന് കോവിഡ്

അബുദാബി: ടെന്നീസ് ഇതിഹാസം താരം റാഫേൽ നദാലിന് (Rafael Nadal) കോവിഡ് (Covid) സ്ഥിരീകരിച്ചു. അബൂദബിയില്‍ നടന്ന മുബദാല ടെന്നീസ് ടൂര്‍ണമെന്‍റില്‍ പങ്കെടുത്ത് സ്പെയിനില്‍ തിരിച്ചെത്തിയതിന് പിന്നാലെയാണ് കോവിഡ് സ്ഥിരീകരിച്ചത്. താരം തന്നെയാണ് തന്റെ പരിശോധനാ ഫലം പോസിറ്റീവായെന്ന് വെളിപ്പെടുത്തിയത്.

https://twitter.com/RafaelNadal/status/1472881126989570053

ഒട്ടും സന്തോഷകരമല്ലാത്ത ചില നിമിഷങ്ങളിലൂടെയാണ് കടന്നുപോവുന്നതെന്നും വൈകാതെ സുഖം പ്രാപിക്കാന്‍ കഴിയുമെന്നാണ് പ്രതീക്ഷയെന്നും നദാല്‍ ട്വിറ്ററില്‍ കുറിച്ചു. താനുമായി സമ്പര്‍ക്കം പുലര്‍ത്തിവര്‍ക്ക് വിവരം നല്‍കിയിട്ടുണ്ടെന്ന് നദാല്‍ ട്വിറ്ററിലിട്ട കുറിപ്പില്‍ വ്യക്തമാക്കി. കുവൈത്തിലും അബൂദബിയിലുമായി നടന്ന പ്രദര്‍ശന മത്സരങ്ങളില്‍ പങ്കെടുക്കുമ്ബോള്‍ നടത്തിയ പി.സി.ആര്‍ പരിശോധനകളില്‍ താരം നെഗറ്റീവായിരുന്നു. നേരത്തെ ഫ്രഞ്ച് ഓപ്പണ്‍ സെമി ഫൈനലില്‍ പുറത്തായതിന് പിന്നാലെ പരിക്കിനെത്തുടര്‍ന്ന് വിംബിള്‍ഡണും ടോക്കിയോ ഒളിംപിക്സും യുഎസ് ഓപ്പണും നദാലിന് നഷ്ടമായിരുന്നു.

Related Articles

Latest Articles