തിരുവനന്തപുരം: ബംഗാള് ഉള്ക്കടലില് രൂപംകൊണ്ട ന്യൂനമര്ദം ശക്തിപ്രാപിച്ചു. തെക്ക് പടിഞ്ഞാറന് ബംഗാള് ഉള്ക്കടലിലാണ് തീവ്ര ന്യൂനമര്ദം ശക്തി പ്രാപിച്ച് അതിതീവ്ര ന്യൂന മര്ദമായി മാറിയത് എന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. ഈ സാഹചര്യത്തില് കേരളത്തില് മാര്ച് ഏഴ്, എട്ട് തീയതികളില് ഒറ്റപ്പെട്ട മഴയ്ക്ക് സാധ്യതയുണ്ടെന്നാണ് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്.
ഞായറാഴ്ച രാവിലെ വരെ വടക്ക് പടിഞ്ഞാറ് ദിശയില് ശ്രീലങ്കയുടെ കിഴക്കന് തീരത്തിലൂടെ സഞ്ചരിക്കുന്ന അതിതീവ്ര ന്യുനമര്ദം തുടര്ന്നുള്ള 36 മണിക്കൂറില് പടിഞ്ഞാറ് – വടക്ക് പടിഞ്ഞാറ് ദിശയില് സഞ്ചരിച്ചു തമിഴ് നാടിന്റെ വടക്കന് തീരത്തേക്ക് നീങ്ങാനാണ് സാധ്യതയെന്ന് കേന്ദ്ര കാലാവസ്ഥാ വകുപ്പ് അറിയിച്ചു.
അതേസമയം, കേരള – കര്ണാടക – ലക്ഷദ്വീപ് തീരങ്ങളില് മീന് പിടുത്തത്തിന് തടസമില്ലെന്ന് കേന്ദ്ര കാലാവസ്ഥാ വകുപ്പ് അറിയിച്ചു.