കൊച്ചി : സംസ്ഥാനത്ത് മഴയുടെ ശക്തി കുറഞ്ഞെങ്കിലും സംസ്ഥാനത്ത് രണ്ടു ദിവസം കൂടി ജാഗ്രത നിര്ദേശം നിലനില്ക്കുന്നുണ്ട്. കാലവര്ഷം തിമിര്ത്ത വടക്കന് ജില്ലകളിലടക്കം വെയില് തെളിഞ്ഞതോടെ ദുരിതാശ്വാസപ്രവര്ത്തനങ്ങള് വേഗത്തിലായി.രണ്ടേകാല് ലക്ഷത്തിലധികം ആളുകള് ദുരിതാശ്വാസ ക്യാംപുകളിലാണ്. പുഴകളിലെ ജല നിരപ്പ് കുറഞ്ഞു. വെള്ളക്കെട്ട് കുറഞ്ഞ സ്ഥലങ്ങളില് വീടുകളിലേക്ക് ആളുകള് മടങ്ങിതുടങ്ങി.
പാലക്കാട് ജില്ലയില് ഇടവിട്ട് നേരിയ മഴ ലഭിക്കുന്നുണ്ട്.സംസ്ഥാനത്ത് രണ്ടുദിവസം കൂടി ജാഗ്രത. മലയോര മേഖലകളില് ശക്തമായ മഴ തുടരുമെന്ന് മുഖ്യമന്ത്രി പിണറായി വിജയന് മുന്നറിയിപ്പ് നല്കി . കണ്ണൂര്, കാസര്കോട്, വയനാട് ജില്ലകളില് റെഡ് അലര്ട്ട് തുടരും. മലപ്പുറം, വയനാട് ജില്ലകളിലെ രക്ഷാപ്രവര്ത്തനത്തിന് വ്യോമസേനയും.
അതേസമയം മഴ കുറഞ്ഞ സാഹചര്യത്തില് അണക്കെട്ടുകളുടെ ഷട്ടറുകള് താഴ്ത്തി തുടങ്ങി. തമിഴ്നാട്ടിലെ ഷോളയാര് അണക്കെട്ടിന്റെ ഷട്ടറുകള് തുറക്കുന്നതിന് മുന്നോടിയായി തമിഴ്നാട് പൊതുമരാമത്ത് ആദ്യ ജാഗ്രതാ നിര്ദേശം വിഭാഗം നല്കി. ഷോളയാറിലെ വെള്ളം തുറന്നുവിട്ടാല് ചാലക്കുടി പെരിങ്ങല്കുത്ത് വഴി ചാലക്കുടി പുഴയിലേക്കാണ് എത്തുന്നത്. ട്രെയിന്, വിമാന, കെഎസ്ആര്ടിസി സര്വീസ് തുടങ്ങി. കോഴിക്കോട് നിന്ന് പാലക്കാട്, മൈസൂര് റൂട്ടുകളില് ഗതാഗതം പുനഃസ്ഥാപിച്ചു.
