ദില്ലി: ജമ്മു കശ്മീരിലെ കേന്ദ്ര നീക്കം ജനങ്ങൾക്ക് ഗുണം ചെയ്യുമെന്ന് രാഷ്ട്രപതി രാംനാഥ് കോവിന്ദ്. സ്വാതന്ത്ര്യദിന സന്ദേശത്തിലാണ് രാഷ്ട്രപതി ഇക്കാര്യം പറഞ്ഞത്.
ജമ്മു കശ്മീരിലും ലഡാക്കിലും അടുത്തിടെ വരുത്തിയ മാറ്റങ്ങൾ അവിടുത്തെ ജനങ്ങൾക്ക് വളരെയധികം ഗുണം ചെയ്യും. രാജ്യത്തിന്റെ മറ്റു ഭാഗങ്ങളിലുമുള്ള പൗരൻമാർക്ക് ലഭിക്കുന്ന അതേ അവകാശങ്ങളും സൗകര്യങ്ങളും ഇതോടെ കശ്മീർ ജനതയ്ക്കും ലഭിക്കുമെന്നും രാഷ്ട്രപതി പറഞ്ഞു.
രാഷ്ട്രപിതാവിന്റെ വീക്ഷണം രാജ്യത്തിന്റെ വളർച്ചയെ സ്വാധീനിച്ചുവെന്നും അദ്ദേഹം പറഞ്ഞു. മുത്തലാഖ് നിരോധനത്തോടെ രാജ്യത്തെ മുസ്ലീം സ്ത്രീകൾക്ക് നീതി ലഭിച്ചെന്നും രാഷ്ട്രപതി കൂട്ടിച്ചേർത്തു.