ബാംഗ്ലൂർ : ഉറുദു സംസാരിക്കാൻ വിസമ്മതിച്ചതിനെ തുടർന്ന് യുവാവിനെ മൂന്നംഗ സംഘം ബാംഗ്ലൂരിൽ കുത്തി കൊലപ്പെടുത്തി. ജയ്മരുതി നഗർ സ്വദേശി ചന്ദ്രു (22 ) ആണ് കൊല്ലപ്പെട്ടത്. സംഭവത്തിൽ കൃത്യം നിർവഹിച്ച മൂന്ന് പേരെയും പോലീസ് കസ്റ്റഡിയിലെടുത്തു . തുടർന്ന് മൂന്നു പേരുടെയും അറസ്റ്റ് ബാംഗ്ലൂർ ജെജെ നഗർ പോലീസ് സ്‌റ്റേഷനിൽ രേഖപ്പെടുത്തിയിട്ടുണ്ട് .
പ്രായപൂർത്തിയാകാത്ത ഒരാളെയും ഷാഹിദ് പാഷ, ഷാഹിദ് ഗോലി എന്നിവരെയുമാണ് പോലീസ് അറസ്റ്റ് ചെയ്തിരിക്കുന്നത് . സിസിടിവി ദൃശ്യങ്ങളുടെ അടിസ്ഥാനത്തിലാണ് പോലീസ് പ്രതികളെ പിടികൂടിയത്. മൂന്ന് പേർക്കെതിരേയും കൊലപാതക കുറ്റം ചുമഴ്ത്തി കേസെടുത്തിട്ടുണ്ട്. ജയ്‌രുമതി നഗരത്തിലൂടെ ബൈക്കിൽ സഞ്ചരിക്കുന്നതിനിടെ ചന്ദ്രുവിന്റെ ബൈക്ക് പ്രതികളിലൊരാളുടെ ബൈക്കിൽ തട്ടിയിരുന്നു.തുടർന്നുണ്ടായ വാക്കുതർക്കമാണ് കൊലപാതകത്തിൽ ചെന്നെത്തിയത് .
പ്രതികളോട് ചന്ദ്രു കന്നഡയിലാണ് സംസാരിച്ചത്. ഇതാണ് പ്രതികളെ പ്രകോപിതരാക്കിയത് . പിന്നാലെ ഉറുദുവിൽ സംസാരിക്കാൻ ആവശ്യപ്പെടുകയായിരുന്നു. ചന്ദ്രു ഇത് നിഷേധിക്കുകയും ചെയ്തു. തുടർന്ന് പ്രതികളിൽ ഒരാൾ ചന്ദ്രുവിനെ കത്തി കൊണ്ട് കുത്തി പരിക്കേൽപ്പിക്കുകയായിരുന്നു. കുത്തിയ ഉടൻ നാട്ടുകാർ ഓടിക്കൂടിയിരുന്നു ആശുപത്രിയിൽ എത്തിച്ചെങ്കിലും രക്ഷപെടുത്താൻ കഴിഞ്ഞില്ല . സുഹൃത്തിനൊപ്പം മൈസൂർ റോഡിലെ ഒരു ഭക്ഷണശാലയിൽ പോകുന്നതിനിടെയാണ് ചന്ദ്രുവുമായി പ്രതികൾ വാക്കുതർക്കത്തിൽ ഏർപ്പെട്ടത് എന്നാണ് പോലീസ് പറയുന്നത് .
