മലപ്പുറം: പിവി അൻവർ എംഎൽഎ യുമായി ബന്ധപ്പെട്ട വാർത്തകളാണ് ഇപ്പോൾ നിറഞ്ഞുനിൽക്കുന്നത് നിലമ്പൂർ നോർത്ത് ഡിവിഷൻ ഫോറസ്റ്റ് ഓഫീസ് അടിച്ചുതകർത്ത കേസിൽ പിവി അൻവർ എംഎൽഎയ്‌ക്കെതിരായ റിമാൻഡ് റിപ്പോർട്ട് പുറത്തുവന്നു .പൊലീസിന്റെ രഹസ്യരേഖ നിയമവിരുദ്ധമായി കൈവശപ്പെടുത്തിയ പ്രതിയെന്നാണ് റിമാൻഡ് റിപ്പോർട്ടിൽ പറയുന്നത്.കൂടാതെ അൻവറിന്റെ സാന്നിധ്യത്തിലാണ് ഓഫീസ് ആക്രമിച്ചതെന്നും DFO ഓഫീസിൽ 35,000 രൂപയുടെ നാശനഷ്ടമുണ്ടായെന്നും റിപ്പോർട്ടിൽ പറയുന്നുണ്ട് .
അൻവറിന്റെ നേതൃത്വത്തിലുള്ള സംഘം നോർത്ത് ഡിഎഫ്ഒ ഓഫീസിലേക്ക് അതിക്രമിച്ചു കയറി, ഉദ്യോഗസ്ഥരെ ആക്രമിച്ചു. പൊലീസുകാരെ തള്ളിമാറ്റി, നിലത്തിട്ട് ചവിട്ടി. അൻവറിന്റെ പ്രേരണയിലാണ് പത്തോളം ഡിഎംകെ പ്രവർത്തകർ ആക്രമണം അഴിച്ചുവിട്ടതെന്നും റിമാൻഡ് റിപ്പോർട്ടിൽ പറയുന്നു. ഏഴ് വർഷം വരെ തടവ് ലഭിക്കാവുന്ന കുറ്റങ്ങളാണ് അൻവറിനെതിരെയും മറ്റ് പ്രവർത്തകർക്കെതിരെയും ചുമത്തിയിരിക്കുന്നത്.അതേസമയം അൻവറിനെ 2 വർഷത്തിൽ കൂടുതൽ ശിക്ഷിച്ചാൽ തന്നെ എം എൽ എ സ്ഥാനം പോകും. തിരഞ്ഞെടുപ്പിൽ മൽസരിക്കാൻ പോലും അയോഗ്യനാകും എന്നൊരു വസ്തുതകൂടിയുണ്ട് .കൂടാതെ നാടകീയ രംഗങ്ങളോടുകൂടിയാണ് ഇന്നലെ രാത്രി അൻവറിനെ പോലീസ് അറസ്റ്റ് ചെയ്തത് രാഷ്‌ട്രീയ സാമ്പത്തിക സ്വാധീനമുള്ളയാളാണ് ഒന്നാം പ്രതിയായ എംഎൽഎയെന്നും മറ്റ് പ്രതികളായ അനുയായികൾ അന്വേഷണം തടസപ്പെടുത്തുകയും തെളിവുകൾ നശിപ്പിക്കുകയും ചെയ്യാൻ സാധ്യതയുള്ളതിനാൽ ഇവരെ കസ്റ്റഡിയിൽ വാങ്ങി അന്വേഷണം നടത്തേണ്ട ആവശ്യകതയുണ്ടെന്ന് റിമാൻഡ് റിപ്പോർട്ടിൽ പൊലീസ് ചൂണ്ടിക്കാട്ടിയിരുന്നു.
