ചെന്നൈ: ശബരിമലയിലേക്ക് ഇത്തവണയും യുവതികളുമായി എത്തുമെന്ന് ചെന്നൈ ആസ്ഥാനമായി പ്രവര്ത്തിക്കുന്ന മനിതി വനിതാ കൂട്ടായ്മ. കേരളത്തിലെ യുവതികള്ക്കൊപ്പം ദര്ശനം നടത്താനാണ് ഒരുങ്ങുന്നത്.
പ്രതിഷേധം ആളികത്തിയതോടെയാണ് കഴിഞ്ഞ വര്ഷം പമ്പയില് നിന്ന് മനിതി സംഘം തമിഴ്നാട്ടിലേക്ക് മടങ്ങിയത്. നിയമനിര്മ്മാണം സാധ്യമല്ലെന്നും സുപ്രീംകോടതി വിധി നടപ്പാക്കുമെന്നും നിയമസഭയില് മുഖ്യമന്ത്രി പറഞ്ഞത് കണക്കിലെടുത്താണ് ഇത്തവണ സംഘം ദര്ശനത്തിന് എത്തുന്നത്.’സുപ്രീംകോടതി വിധി നടപ്പാക്കുമെന്ന് നിയമസഭയില് മുഖ്യമന്ത്രി വ്യക്തമാക്കിയിട്ടുണ്ട്. എന്നാല് കേരള സര്ക്കാര് പൂര്ണമായും സുരക്ഷ തരുമെന്ന് വിശ്വാസമില്ല. മുഖ്യമന്ത്രിയെ കാണാന് ശ്രമിച്ചിട്ട് പോലും നടന്നില്ല’-മനിതി സംഘം കോര്ഡിനേറ്റര് സെല്വി മാധ്യമങ്ങളോടുപറഞ്ഞു.
കഴിഞ്ഞ തവണ മധുരയില് നിന്ന് കേരള പൊലീസ് സംരക്ഷണം നല്കിയിരുന്നു. ഇത്തവണയും കേരള പൊലീസ് നിര്ദേശിക്കുന്ന യാത്രാ മാര്ഗം സ്വീകരിക്കുമെന്ന് സെല്വി പറയുന്നു.
