പത്തനംതിട്ട: ഇടവമാസ പൂജകള്‍ പൂര്‍ത്തിയാക്കി ശബരിമല ശ്രീധര്‍മ്മശാസ്താ ക്ഷേത്രനട നാളെ അടയ്ക്കും. രാത്രി 10നു പൂജകള്‍ പൂര്‍ത്തിയാകും. മഴക്കെടുതിയുടെ മുന്നറിയിപ്പിന്റെ സാഹചര്യത്തില്‍ പമ്പ ത്രിവേണിയില്‍ സ്‌നാനത്തിന് നിയന്ത്രണം ഏര്‍പ്പെടുത്തിയിട്ടുണ്ട് സർക്കാർ.
മാത്രമല്ല തീര്‍ത്ഥാടകരുടെ ചെറിയ വാഹനങ്ങള്‍ക്ക് നിലക്കല്‍ പ്രധാന ഇടത്താവളം വരെയാണ് യാത്രാനുമതി. ഇവിടെനിന്നും കെഎസ്ആര്‍ടിസി ചെയിന്‍ സര്‍വ്വീസിനെ ആശ്രയിച്ചു വേണം പമ്പയിലെത്താന്‍.
ശ്രീധര്‍മ്മശാസ്താ ക്ഷേത്രനടതുറന്ന ദിവസം അധികൃതരുടെ കണക്കുകൂട്ടലിനും അപ്പുറം തീര്‍ത്ഥാടകര്‍ എത്തിയതോടെ കെഎസ്ആര്‍ടിസി സര്‍വീസുകള്‍ തികയാതെ വന്നു. എന്നാൽ നിലയ്ക്കല്‍ ഇടത്താവളത്തില്‍ മാസപൂജാ വേളകളില്‍ അടിസ്ഥാന സൗകര്യങ്ങള്‍ പരിമിതമായതും തീര്‍ത്ഥാടകരെ ബുദ്ധിമുട്ടിച്ചിരുന്നു.
അതേസമയം ശബരിമല സന്നിധാനത്ത് തന്ത്രി കണ്ഠര് മഹേഷ് മോഹനരുടെയും മേല്‍ശാന്തി എന്‍.പരമേശ്വരന്‍ നമ്പൂതിരിയുടെയും കാര്‍മ്മികത്വത്തില്‍ നടന്ന പടിപൂജ നടന്നു.
