കോഴിക്കോട്: കൊറിയർ സർവീസിന്റെ മറവിൽ മാരക മയക്കുമരുന്ന് വിൽപന നടത്തിയ രണ്ടു പേർ പിടിയിൽ.എടച്ചേരിപോലീസാണ്‌ പ്രതികളെ കസ്റ്റഡിയിലെടുത്തത്. വടകര ഏറാമല സ്വദേശി റാനിഷ് അഭിൻ (35) എന്നിവരെയാണ് എടച്ചേരി എസ്.ഐ ആൻഫി റസലും സംഘവും ചേർന്ന് പിടികൂടിയത്.
15 പായ്ക്കറ്റ് എംഡിഎംഎ ആണ് സംഘം കണ്ടെടുത്തത്. പൊലീസിന്റെ രഹസ്യാന്വേഷണ വിഭാഗം നൽകിയ വിവരത്തിന്റെ അടിസ്ഥാനത്തിലാണ് അറസ്റ്റ്.
കാർത്തികപ്പള്ളി റോഡിൽ എളങ്ങോളിയിൽ ഇവർ നടത്തുന്ന കൊറിയർ സ്ഥാപനത്തിൽ നടത്തിയ പരിശോധനയിലാണ് ലഹരിവസ്തുക്കൾ പിടിച്ചെടുത്തത്. പിടിയിലായ രണ്ടു പേരെയും ചോദ്യം ചെയ്തുവരികയാണെന്ന് പൊലീസ് അറിയിച്ചു. എവിടെ നിന്നാണ് എംഡിഎംഎ എത്തിച്ചതെന്നും പിന്നിലാരാണെന്നും വ്യക്തമാക്കാൻ കൂടുതൽ അന്വേഷണം വേണ്ടിവരും. കൂടുതൽ അറസ്റ്റും ഉണ്ടാകുമെന്നാണ് പൊലീസ് പറയുന്നത്.
