പട്ന: ബീഹാറിലെ വൈശാലിയില്‍ സ്കൂള് വൃത്തിയാക്കാഞ്ഞതിനെ തുടര്‍ന്ന് പ്രിന്‍സിപ്പല്‍ 16 വിദ്യാര്‍ത്ഥികളെ മര്ദ്ദിച്ച് അവശരാക്കി. പരുക്കേറ്റവരെ ആശുപത്രിയില്‍ പ്രവേശിപ്പിച്ചു. സംഭവത്തില്‍ രക്ഷിതാക്കളും നാട്ടുകാരും പ്രതിഷേധം തുടങ്ങി.
സ്കൂള് വൃത്തിയാക്കാനുള്ള ചുമതല വിദ്യാര്‍ഥികള്‍ക്കാണ് സ്കൂള് അധികൃതര്‍ നല്‍കിയിരുന്നത്. എന്നാല്‍ കഴിഞ്ഞ ദിവസം സ്കൂള് അടിച്ചുവാരാന്‍ നിയോഗിച്ചിരുന്ന വിദ്യാര്‍ത്ഥികള്‍ അതിന് തയ്യാറായില്ല. ഇതാണ് പ്രിന്‍സിപ്പലിനെ ചൊടിപ്പിച്ചത്. തുടര്‍ന്ന് 16 വിദ്യാര്‍ഥികളെ പ്രിന്‍സിപ്പല്‍ രാജേഷ്‌കുമാര്‍ വിളിച്ചുവരുത്തി ക്രൂരമായി മര്‍ദിക്കുകയായിരുന്നു. അവശരായ വിദ്യാര്‍ത്ഥികളെ അടുത്തുളള ആശുപത്രിയില്‍ പ്രവേശിപ്പിച്ചു.
സംഭവത്തില്‍ പൊലീസ് അന്വേഷണം ആരംഭിച്ചു.
