Sunday, November 22, 2026

”അവൾ സെക്കൻഡ് ഹാൻഡ് ഐറ്റം”: വിമർശകന് മറുപടിയുമായി സാമന്ത

തെന്നിന്ത്യൻ പ്രേക്ഷകർക്ക് ഏറെ പ്രിയപ്പെട്ട താര ജോഡികളായിരുന്നു നാ​ഗ‌ചൈതന്യയും സാമന്തയും. എന്നാൽ അടുത്തിടെയാണ് ഇരുവരും വേർപിരിഞ്ഞത്. ഇവർ തന്നെയാണ് വിവാഹമോചന വാർത്ത സോഷ്യൽ മീഡിയയിലൂടെ പങ്കുവച്ചത്.

ഇതിനു പിന്നാലെ സാമന്തയ്ക്കു നേരെ രൂക്ഷമായ സൈബറാക്രമണമുണ്ടായി. താരത്തെ വ്യക്തപരമായി ആക്രമിക്കുന്ന രീതിയിലുള്ള പ്രചാരണങ്ങൾക്ക് ശക്തമായ ഭാഷയിൽ മറുപടിയും നൽകിയിരുന്നു. ഇപ്പോൾ തന്നെ ആക്ഷേപിച്ചുകൊണ്ട് മറുപടിയിട്ട ആൾക്ക് സാമന്ത നൽകിയ മറുപടിയാണ് വൈറലാവുന്നത്.

നടൻ നൈ​ഗചൈതന്യയിൽ നിന്ന് 50 കോടി തട്ടിയെടുത്തു എന്നായിരുന്നു ഒരാളുടെ ആരോപണം. ഡിവോഴ്സായ നശിച്ച സെക്കൻഡ് ഹാൻഡ് ഐറ്റം എന്നാണ് അയാൾ സാമന്തയെക്കുറിച്ച് പറഞ്ഞത്. ”ഒരു മാന്യനിൽ നിന്നും 50കോടി മോഷ്ടിച്ചു” എന്നും ട്വീറ്റ് ചെയ്തിട്ടുണ്ട്.

നടി സാമന്തയെ ടാ​ഗ് ചെയ്തുകൊണ്ടുള്ള ട്വീറ്റ് മുന്നിലെത്തിയതോടെയാണ് മറുപടിയുമായ താരം എത്തിയത്. ഇത് റീ ട്വീറ്റ് ചെയ്തുകൊണ്ട് സാമന്ത കുറിച്ചത് നിങ്ങളുടെ ആത്മാവിനെ ദൈവം അനു​ഗ്രഹിക്കട്ടേ എന്നാണ്. അതിനു പിന്നാലെ താരത്തിന് പിന്തുണയുമായി നിരവധി പേരാണ് രം​ഗത്തെത്തിയത്. തുടർന്ന് കമന്റ് ചെയ്ത ആൾ അത് ഡിലീറ്റ് ചെയ്ത തടിതപ്പി.

Related Articles

Latest Articles