Shivpanchakshari mantra will give health
മനസിന്റേയും ശരീരത്തിന്റേയും ആരോഗ്യം പരസ്പരം ബന്ധപ്പെട്ടിരിയ്ക്കുന്ന ഒന്നാണ്. മനസ് രോഗാതുരമാകുമ്പോള്‍ ശരീരവും ആ വഴിയ്ക്ക് നീങ്ങുന്നു. ശിവരാത്രിയും വ്രതാനുഷ്ഠാനങ്ങളുമെല്ലാം മനസിന്റെ ആരോഗ്യത്തെ ശക്തിപ്പെടുത്തുന്ന ഒന്നാണ്.വ്രതങ്ങള്‍ക്ക്, ഉപവാസത്തിന് ശരീരത്തിന്റെ വിവിധ രോഗാവസ്ഥകളെ തടുത്തു നിര്‍ത്താന്‍ സാധിയ്ക്കുമന്നത് സയന്‍സ് തന്നെ തെളിയിച്ചിരിയ്ക്കുന്ന കാര്യമാണ്. ശിവരാത്രിയോട് അനുബന്ധിച്ചുള്ള ഭക്ഷണ, പാനാദികളും ഉപവാസവുമെല്ലാം ഈ ഗുണം നല്‍കുന്നു.
ശിവരാത്രിയ്ക്ക് ശിവ പഞ്ചാക്ഷരീ മന്ത്രം ഉരുവിടുന്നത് പ്രധാനമാണ്. ഓം നമ ശിവായ എന്ന ഈ മന്ത്രം വേണ്ട രീതിയില്‍ തുടര്‍ച്ചയായി ജപിയ്ക്കുന്നത് പല ആരോഗ്യ ഗുണങ്ങളും നല്‍കുന്നു.ഇത് 108 തവണ ഉരുവിടുന്നത് ദേഷ്യം, ഉത്കണ്ഠ, അക്രമ വാസന തുടങ്ങിയ വികാരങ്ങളെ നിയന്ത്രിച്ച് നിര്‍ത്താന്‍ സഹായിക്കുന്ന ഒന്നാണ്.
ഇവ മനസിന്റെ മാത്രമല്ല, ശരീരത്തിന്റെ ആരോഗ്യത്തേയും ഹനിയ്ക്കുന്ന ഒന്നാണ്. മനസിന് ശാന്തിയും സമാധാനവും നല്‍കുന്ന, പൊസറ്റീവ് ഊര്‍ജം നിറയ്ക്കുന്ന ഒന്നാണിത്.ഓം എന്ന ഉച്ചാരണം സ്‌ട്രെസ്, ടെന്‍ഷന്‍ എന്നിവയകറ്റാന്‍ ഏറെ നല്ലതാണ്. ഇത്തരം പ്രശ്‌നങ്ങളെങ്കില്‍ കണ്ണടച്ച് പിടിച്ച് ഇതുച്ചരിച്ചു നോക്കിയാല്‍ അതിന്റെ ഗുണം അനുഭവിച്ചറിയാം.
സ്‌ട്രെസ് വരുത്തുന്ന രോഗങ്ങള്‍ ബിപി, പ്രമേഹം, കൊളസ്‌ട്രോള്‍, അമിത വണ്ണം ഇങ്ങനെ പോകുന്നു. ഇതു പോലെ ബ്രെയിന്‍ ആരോഗ്യത്തിന് മികച്ചതാണ് ഓം. ഇത് ഏകാഗ്രത നല്‍കുന്നു.കണ്ണടച്ച് പിടിച്ച് നാം ഈ വാക്ക് ഉച്ചരിയ്ക്കുമ്പോള്‍ ശരീരവും മനസും ഒരു പ്രത്യേക ബിന്ദുവില്‍ അര്‍പ്പിയ്ക്കപ്പെടുന്നു. ഇത് തലച്ചോറിലേയ്ക്കുള്ള രക്ത, ഓക്‌സിജന്‍ പ്രവാഹം ശക്തിപ്പെടുത്തുന്നു.വയറിന്റെ, ദഹനേന്ദ്രിയത്തിന്റെ ആരോഗ്യത്തിന് ഓം മികച്ച ഒന്നാണ്. ഇത് ശരിയായ രീതിയില്‍ ഉച്ചരിയ്ക്കുമ്പോള്‍ വയറ്റില്‍ വൈബ്രേഷന്‍ അഥവാ പ്രകമ്പനമുണ്ടാകുന്നു. ഗ്യാസ്, അസിഡിറ്റി പ്രശ്‌നങ്ങള്‍ക്ക് ഇത് പരിഹാരമാകുന്നു.
ഓം ഉച്ചരിയ്ക്കുന്ന സമയത്ത് നാം ഉള്ളിലേയ്ക്കു തന്നെ കേന്ദ്രീകരിയ്ക്കപ്പെടുകയാണ്. ഇതുവഴി പുറം ലോകവുമായി ബന്ധം നഷ്ടപ്പെടുന്നു. ഇതു വഴി ശ്വസനവും ഹൃദയമിടിപ്പും എല്ലാം തന്നെ ക്രമീകരിയ്ക്കപ്പെടുന്നു.കൃത്യമായ രീതിയില്‍ ഉച്ചരിച്ചാലേ ഗുണം ലഭിയ്ക്കുവെന്നും പറയാം. ഓം ഒരു വാക്കായി നാം പറയുന്നുവെങ്കില്‍ ഇത് മൂന്ന് അക്ഷരങ്ങള്‍ ചേര്‍ന്നതാണ്. മലയാളിത്തില്‍ പറഞ്ഞാല്‍ അഓഎം, ഇംഗ്ലീഷില്‍ ഇതെഴുതിയാല്‍ എയുഎം (AUM). എ അതായത് ആദ്യ വാക്ക് വര്‍ത്തമാനാവസ്ഥയെ സൂചിപ്പിയ്ക്കുന്നു. രണ്ടാമത്തേത് യു, ഇത് സ്വപ്‌നാവസ്ഥയെയും എം ദീര്‍ഘനിദ്രയേയും സൂചിപ്പിയ്ക്കുന്നു. ഈ മൂന്നും ചേരുന്നതാണ് ഓം എന്ന ഉച്ചാരണം.
ദില്ലി: കോണ്‍ഗ്രസ് നേതാവ് രാഹുൽ ഗാന്ധിക്കെതിരെ കേന്ദ്രമന്ത്രി സ്മൃതി ഇറാനി. അമേഠി മണ്ഡലം ഇത്തവണയും നിലനിർത്തുമെന്ന് സ്മൃതി ഇറാനിപ്രതികരിച്ചു. രാഹുൽ…
ഡ്രൈവിങ് ടെസ്റ്റ് സമരത്തില്‍ പരിഹാരം വൈകുന്നതില്‍ ഗതാഗതമന്ത്രി കെ ബി ഗണേഷ്‌കുമാറിനെതിരെ സിപിഐഎം. തീരുമാനങ്ങള്‍ അടിച്ചേല്‍പ്പിക്കരുതെന്ന് സിപിഐഎം കേന്ദ്ര കമ്മിറ്റിയംഗം…