വൈശാഖ മാസത്തിലെ വെളുത്ത പക്ഷ ഏകാദശി ആണ് നാളെ. വൈശാഖമാസം ഭഗവാൻ മഹാവിഷ്ണുവിന് ഏറെ പ്രിയപ്പെട്ട മാസമാണ് എന്നാണ് സങ്കൽപം. ആ വൈശാഖ മാസത്തിലെ ഏകാദശി ദിവസം ഭഗവാന് കൂടുതൽ പ്രിയപ്പെട്ടതാകുന്നു.
മാത്രമല്ല വൈശാഖ മാസത്തിലെ വെളുത്ത പക്ഷ ഏകാദശി ‘മോഹിനീ ഏകാദശി’ എന്നറിയപ്പെടുന്നു. മഹാവിഷ്ണു മോഹിനീരൂപമെടുത്തത് ഈ ദിവസമാണെന്നാണു വിശ്വാസം.
അതേസമയം ഇത്തവണത്ത മോഹിനീ ഏകാദശി വ്യാഴാഴ്ചയാണ് വരുന്നത് എന്നതിനാൽ അതിന്റെ പ്രാധാന്യം പിന്നെയും കൂടുന്നു.
അതുകൊണ്ടുതന്നെ ഈ ഏകാദശി ദിവസം വ്രതമനുഷ്ഠിക്കുന്നതും ഭഗവാനെ ഭജിക്കുന്നതും കൂടുതൽ ശ്രേയസ്കരമാണെന്നു വ്യക്തം.
