അമേഠി: കോൺഗ്രസ് അധ്യക്ഷൻ രാഹുൽ ഗാന്ധിയുടെ റോഡ് ഷോകൾക്കെതിരെ കേന്ദ്രമന്ത്രി സ്മൃതി ഇറാനി. റോഡ് ഷോ നടത്താൻ രാഹുലിന് സമയമുണ്ടെന്നും എന്നാൽ, ജനങ്ങൾക്കായി ചെലവഴിക്കാൻ സമയമില്ലെന്നും സ്മൃതി ഇറാനി പറഞ്ഞു. അമേഠിയിലെ ജനങ്ങളോട് രാഹുലിന് ബഹുമാനമില്ലെന്നും സ്മൃതി ഇറാനി കൂട്ടിച്ചേർത്തു.
രണ്ട് മണിക്കൂർ നീണ്ടുനിന്ന റോഡ് ഷോയ്ക്ക് പിന്നാലെയായിരുന്നു രാഹുൽ ഗാന്ധി പത്രിക സമർപ്പിച്ചത്. നാളെയാണ് എതിർസ്ഥാനാർഥിയായ സ്മൃതി ഇറാനി നാമനിര്ദേശ പത്രിക സമര്പ്പിക്കുന്നത്.
അമേഠിയിൽ ബിജെപി കടുത്ത വെല്ലുവിളി ഉയര്ത്തുന്ന സാഹചര്യത്തിലാണ് പത്രികാ സമര്പ്പണത്തിന് മുന്നോടിയായുള്ള കോണ്ഗ്രസിന്റെ റോഡ് ഷോ . പ്രിയങ്ക ഗാന്ധിയും ഭര്ത്താവ് റോബർട്ട് വാദ്രയും മക്കളും രാഹുലിന്റെ റോഡ് ഷോയിൽ പങ്കെടുത്തു. മെയ് ആറിനാണ് അമേഠിയിൽ വോട്ടെടുപ്പ് നടക്കുന്നത്.