ദില്ലി: നമുക്കെല്ലാവർക്കും അവരവരുടെ താൽപര്യങ്ങൾ ഉണ്ടാകാം. എന്നാൽ സ്വന്തം താൽപര്യങ്ങളേക്കാൾ രാജ്യ താൽപ്പര്യങ്ങൾക്ക് മുൻഗണന നൽകേണ്ട സമയം വന്നിരിക്കുന്നു. 2024 ലോക്സഭാ തെരഞ്ഞെടുപ്പിനായി അടുക്കുംചിട്ടയോടെയും നയം രൂപീകരിക്കേണ്ടതുണ്ട്. ഐക്യത്തോടെ പ്രവർത്തിക്കണമെന്നും സോണിയ താഴ്മയോടെ ആവശ്യപ്പെട്ടു. പ്രതിപക്ഷ പാര്ട്ടികളുടെ യോഗത്തിൽ സംസാരിക്കുകയായിരുന്നു അവർ.
2024 ലോക്സഭാ തെരഞ്ഞെടുപ്പ് ആയിരിക്കണം അന്തിമ ലക്ഷ്യം. ഇതൊരു വെല്ലുവിളിയാണ്. നമുക്ക് ഒരുമിച്ച് അതിലേക്ക് എത്താം. കാരണം ഒന്നിച്ച് പ്രവർത്തിക്കുകയല്ലാതെ മറ്റൊരു ബദൽ ഇല്ലെന്നും സോണിയ കൂട്ടിച്ചേർത്തു.
വെര്ച്വൽ യോഗത്തിൽ പശ്ചിമബംഗാള് മുഖ്യമന്ത്രി മമത ബാനര്ജി, തമിഴ്നാട് മുഖ്യമന്ത്രി എം.കെ. സ്റ്റാലിന്, മഹാരാഷ്ട്ര മുഖ്യമന്ത്രി ഉദ്ധവ് താക്കറെ, എന് സിപി അധ്യക്ഷന് ശരത്പവാര്, സിപിഎം നേതാവ് സീതാറാം യെച്ചൂരി, ആർജെഡി നേതാവ് തേജസ്വി യാദവ് തുടങ്ങിയവർ പങ്കെടുത്തു.
പ്രത്യേക അറിയിപ്പ്: കോവിഡ് മഹാമാരിയുടെ രണ്ടാം വരവിന്റെ കാലത്ത് എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹിക അകലം പാലിച്ചും വാക്സിൻ എടുത്തും പ്രതിരോധത്തിന് തയ്യാറാവണമെന്ന് തത്വമയി ന്യൂസ് അഭ്യർത്ഥിക്കുന്നു. ഓർക്കുക ഒന്നിച്ചു നിന്നാൽ നമുക്കീ മഹാമാരിയെ തോൽപ്പിക്കാനാവും. “സർക്കാർ നിർദ്ദേശങ്ങൾ പാലിക്കാം, നമുക്ക് മഹാമാരിയെ ഒന്നിച്ചു നേരിടാം”. വാക്സിന് എടുത്തും, സാമൂഹിക അകലം പാലിച്ചും, മാസ്ക് ധരിച്ചും ഈ മഹാമാരിയെ നമുക്ക് എത്രയുംവേഗം വേരോടെ പിഴുതെറിയാം. #BreakTheChain #CovidBreak #IndiaFightsCorona