ദില്ലി: ഒരു വർഷത്തിനുശേഷം രാത്രികാഴ്ചകള്ക്കായി താജ്മഹല് നാളെ മുതല് തുറക്കും. കഴിഞ്ഞ വര്ഷം മാര്ച്ച് 17 മുതലാണ് താജ്മഹലിലെ രാത്രി സന്ദര്ശനത്തിന് വിലക്കേര്പ്പെടുത്തിയത്. വൈകിട്ട് 8:30 മുതല് 9മണി വരെ, 9 മുതല് 9:30 വരെ, 9:30 മുതല് 10 മണി വരെ എന്നിങ്ങനെയാണ് രാത്രി സന്ദര്ശനത്തിന് സമയം അനുവദിച്ചിരിക്കുന്നത്. ഓരോ സമയത്തും 50 സന്ദര്ശകരെ വരെയാണ് അനുവദിക്കുക.
ഓഗസ്റ്റ് 21, 23, 24 തിയതികളിൽ രാത്രിയിൽ താജ്മഹൽ സന്ദർശിക്കാമെന്ന് അധികൃതർ പറഞ്ഞു. വെള്ളിയാഴ്ച ദിവസങ്ങളിൽ താജ്മഹൽ അവധി ആയതിനാലും ഞായറാഴ്ചയിൽ ലോക്ക്ഡൗൺ നിലവുലുള്ളതുകൊണ്ടും ഈ ദിവസങ്ങളിൽ സന്ദർശകരെ അനുവദിക്കില്ല. ടിക്കറ്റുകൾ ഒരു ദിവസം മുൻപ് ബുക്ക് ചെയ്യാം.