ഞായറാഴ്ച്ച നടന്ന ഏഷ്യാ കപ്പിൽ പാക്കിസ്ഥാനെ പരാജയപ്പെടുത്തി ശ്രീലങ്കൻ ക്രിക്കറ്റ് ടീം ജേതാക്കളായി. പാക്കിസ്ഥാനെ 23 റൺസിന് തോൽപ്പിച്ച് ശ്രീലങ്ക ആറാമത് ഏഷ്യാ കപ്പ് കിരീടം സ്വന്തമാക്കി. 2014ന് ശേഷമുള്ള ആദ്യ കിരീടമാണിത് . ചൊവ്വാഴ്ച്ച , ദസുൻ ഷനകയുടെ നേതൃത്വത്തിലുള്ള ടീം തങ്ങളുടെ മാതൃരാജ്യത്തെത്തിയ ശേഷം ആരാധകരോടൊപ്പം വിജയം ആഘോഷിക്കാൻ വമ്പിച്ച വിജയ പരേഡിൽ പങ്കെടുത്തു. പരേഡിന്റെ ചിത്രങ്ങൾ ശ്രീലങ്കൻ ടീം ഔദ്യോഗിക ട്വിറ്റർ അക്കൗണ്ടിൽ പങ്കുവച്ചു
ശ്രീലങ്കൻ കളിക്കാർ ഡബിൾ ഡെക്കർ ബസിൽ നഗര പര്യടനം നടത്തുമ്പോൾ ആരാധകർ വാഹനം വളയുന്നത് കാണാം. കളിക്കാർ കാണികളുമായി സംവദിക്കുകയും രാജ്യത്ത് സാമ്പത്തിക പ്രതിസന്ധി നേരിടുന്ന സമയത്തും ടൂർണമെന്റിലുടനീളം നൽകിയ പിന്തുണയ്ക്ക് നന്ദി അറിയിക്കുകയും ചെയ്തു.
അഫ്ഗാനിസ്ഥാനെതിരായ ആദ്യ മത്സരം ഒഴികെ ടൂർണമെന്റിലുടനീളം ശ്രീലങ്കൻ ടീം അവിശ്വസനീയമായ വിജയം കൈവരിച്ചു. 2022ലെ ഏഷ്യാ കപ്പിന്റെ ഫൈനലിലെത്താനുള്ള മത്സരത്തിൽ ഇന്ത്യ, ബംഗ്ലാദേശ്, പാകിസ്ഥാൻ, അഫ്ഗാനിസ്ഥാൻ തുടങ്ങിയ ടീമുകളെ ശ്രീലങ്ക പരാജയപ്പെടുത്തി.