ചെന്നൈ:മാന്ഡസ് ചുഴലിക്കാറ്റിനെ തുടർന്ന് ജാഗ്രതയിൽ സംസ്ഥാനം.മാന്ഡസ് നാളെ പുലര്ച്ചയോടെ തീരം തൊടുമെന്ന് കാലാവസ്ഥാ കേന്ദ്രം അറിയിച്ചു. തമിഴ്നാട്ടിലെ കാരക്കലിന് സമീപം തീരംതൊടുമെന്നാണ് അറിയിപ്പ്.മണിക്കൂറില് 75 കിലോമീറ്റര് വേഗതയില് കാറ്റ് വീശാന് സാധ്യതയുണ്ടെന്നും വടക്കന് തമിഴ്നാട്, പുതുച്ചേരി, തെക്കന് ആന്ധ്രാപ്രദേശ് തീരങ്ങളില് ഓറഞ്ച് അലര്ട്ടും 13 ജില്ലകളില് റെഡ് അലര്ട്ടും പ്രഖ്യാപിച്ചു.
ചെന്നൈ,ചെങ്കല്പേട്ട്, കാഞ്ചീപുരം, തിരുവള്ളൂര് ജില്ലകളില് ശക്തമായ മഴയ്ക്ക് സാധ്യതയുണ്ടെന്നാണ് മുന്നറിയിപ്പ്. പുതുച്ചേരിയിലും തമിഴ്നാട്ടിലും സ്കൂളുകള്ക്ക് അവധി നല്കിയിരിക്കുകയാണ്.തമിഴ്നാട് ചീഫ് സെക്രട്ടറിയുടെ നേതൃത്വത്തില് ഉന്നതതല യോഗം ചേര്ന്ന് സ്ഥിതി വിലയിരുത്തി. ദേശീയ ദുരന്തനിവാരണ സേനയുടെ 12 ടീമുകളെ മേഖലയില് വിന്യസിച്ചിട്ടുണ്ട്.ചുഴലികാറ്റ് ഇപ്പോൾ മഹാബലിപുരത്തു ഏതാണ്ട് 230 കിലോമീറ്റർ മാത്രം അകലെയാണ് . ഇന്ന് രാത്രി 11 മണിയോടെ മഹാബലിപുരത്തിനു തെക്കായി വില്ലുപുരത്തെ ” മരക്കാനം ” തീരത്ത് ” നിലംപതിക്കാൻ ( Land fall ) ആണ് സാധ്യത. നിലം തൊടുമ്പോൾ ഏകദേശം 70-100 കിലോമീറ്റർ വേഗതയിലുള്ള ചുഴലികാറ്റ് ആകാനാണ് സാധ്യത
