തിരുവനന്തപുരം: സംസ്ഥാന സ്കൂൾ കലോത്സവത്തിൽ അവസാനദിനം വരെ നീണ്ട ഉദ്വേഗദഭരിതമായ നിമിഷങ്ങള്ക്കുശേഷം കോഴിക്കോട് കിരീടത്തിൽ മുത്തമിട്ടു. 945 പോയിന്റുമായാണ് കോഴിക്കോട് കിരീട പോരിൽ ഒന്നാമതെത്തിയത്. അവസാന ദിവസം വരെ കോഴിക്കോടിനോട് ഇഞ്ചോടിച്ച് പൊരുതിയ പാലക്കാടും കണ്ണൂരും 925 പോയിന്റ് വീതം നേടി രണ്ടാം സ്ഥാനം പങ്കിട്ടെടുത്തു.
ഹൈസ്കൂള് വിഭാഗത്തില് 446 പോയിന്റുമായി കോഴിക്കോട് ഒന്നാമതെത്തി. 443 പോയിന്റുമായി പാലക്കാട് രണ്ടാം സ്ഥാനത്തും 436 പോയിന്റുമായി തൃശ്ശൂര് മൂന്നാം സ്ഥാനത്തും ഫിനിഷ് ചെയ്തു. ഹയര് സെക്കന്ഡറി വിഭാഗത്തില് 500 പോയിന്റുമായി കണ്ണൂരാണ് ഒന്നാം സ്ഥാനത്ത്. 499 പോയിന്റുമായി കോഴിക്കോട് രണ്ടാമതും 482 പോയിന്റുമായി പാലക്കാട് മൂന്നാമതുമാണ്. സംസ്കൃത കലോത്സവത്തില് 95 പോയിന്റുമായും കൊല്ലവും അറബിക് കലോത്സവത്തില് 95 പോയിന്റുമായി പാലക്കാടും ഒന്നാം സ്ഥാനത്ത് എത്തി.
സ്കൂളുകളില് പാലക്കാട് ആലത്തൂര് ബി.എസ്.എസ്.എസ്. ഗുരുകുലം സ്കൂള് 156 പോയിന്റുമായി ഒന്നാം നേടിയെടുത്തു. 142 പോയിന്റുമായി തിരുവനന്തപുരം വഴുതക്കാട് കാര്മല് ഇ.എം ഗേള്സ് എച്ച്.എസ്.എസ്. രണ്ടാം സ്ഥാനത്ത് എത്തി. കാഞ്ഞങ്ങാട് ദുര്ഗ എച്ച്.എസ്.എസിനാണ് മൂന്നാം സ്ഥാനത്ത്. ഹൈസ്കൂള് വിഭാഗത്തില് ആലത്തൂര് ബി.എസ്.എസ്.എസ്. ഗുരുകുലവും ഹയര്സെക്കന്ഡറി വിഭാഗത്തില് കാഞ്ഞങ്ങാട് ദുര്ഗ എച്ച്.എസ്.എസും ഒന്നാമത് എത്തി.
ഏഷ്യയിലെ ഏറ്റവും വലിയ കലാമേളയെന്ന് വിശേഷിപ്പിക്കപ്പെടുന്ന കലോത്സവത്തിന് ഇത് എട്ടാം തവണയാണ് കോഴിക്കോട് വേദിയായത്. 239 ഇനങ്ങളിലായിരുന്നു കലാപ്രതിഭകൾ ഏറ്റുമുട്ടിയത്
