Friday, November 20, 2026

ഇനിയും സാധ്യതയുണ്ട്!! നിര്‍ണായക പോരിനൊരുങ്ങി കേരള ബ്ലാസ്റ്റേഴ്സ്

ഇന്ത്യന്‍ സൂപ്പര്‍ ലീഗില്‍ നിര്‍ണായക പോരാട്ടത്തിനൊരുങ്ങി കേരള ബ്ലാസ്റ്റേഴ്സ്. സീസണിലെ തങ്ങളുടെ പതിനഞ്ചാമത്തെ മത്സരത്തില്‍ ചെന്നൈയിന്‍ എഫ്സിയാണ് കേരള ബ്ലാസ്റ്റേഴ്സിന്‍റെ എതിരാളികള്‍. കലൂര്‍ ജവഹര്‍ ലാല്‍ നെഹ്റു അന്താരാഷ്ട്ര സ്റ്റേഡിയത്തിലാണ് മത്സരം അരങ്ങേറുക. ഇടവേളയ്ക്ക് ശേഷം സ്വന്തം കാണികള്‍ക്ക് മുന്നില്‍ കളിക്കാന്‍ സാധിക്കുന്നത് ബ്ലാസ്റ്റേഴ്സിന് കരുത്ത് പകരും.

ആദ്യപാദ മത്സരത്തില്‍ ചെന്നൈയില്‍ 3-1 ന്‍റെ പരാജയമാണ് കേരള ബ്ലാസ്റ്റേഴ്സ് ചെന്നൈയിന്‍ എഫ്സിക്കെതിരെ ഏറ്റുവാങ്ങിയത്. തുടക്കത്തില്‍ മങ്ങിപ്പോയ ചെന്നൈയിന് പുതിയ പരിസീലകന്‍റെ വരവ് പുത്തനുണര്‍വ്വാണ് നല്‍കിയത്. എവേ മത്സരത്തിലെ ഈ പരാജയത്തിന് സ്വന്തം തട്ടകത്തില്‍ ചുട്ട മറുപടി നല്‍കാനുള്ള അവസരം കൂടിയാണ് കേരള ബ്ലാസ്റ്റേഴ്സിന്‍റെ മുന്നിലുള്ളത്.

ഇനിയുള്ള മത്സരങ്ങളെല്ലാം തന്നെ ബ്ലാസ്റ്റേഴ്സിന് ജീവന്മരണ പോരാട്ടങ്ങളാണ്. ഇനിയുള്ള മത്സരങ്ങളെല്ലാം ജയിക്കാന്‍ കഴിഞ്ഞാല്‍ പ്ലേ ഓഫിലേക്ക് മഞ്ഞപ്പടയ്ക്ക് ഇനിയും സാധ്യതകളുണ്ട്. എന്നാല്‍ ഇനിയൊരു പരാജയം കൂടി വഴങ്ങേണ്ടി വന്നാല്‍ അത് ബ്ലാസ്റ്റേഴ്സിന് വലിയ തിരിച്ചടിയുണ്ടാക്കും. ശനിയാഴ്ച വൈകീട്ട് 7.30നാണ് മത്സരം ആരംഭിക്കുക.

Related Articles

Latest Articles