കൊല്ലം: കൊല്ലം പാരിപ്പള്ളി ചിറക്കര ഗവ. ഹൈസ്കൂള് ജങ്ഷനുമുന്നിൽ മൂന്നുപേരുടെ ആക്രമണത്തില് ക്രൈംബ്രാഞ്ച് ഇന്സ്പെക്ടര്ക്ക് പരിക്ക്. പരവൂര് സ്വദേശി തിരുവനന്തപുരം ക്രൈംബ്രാഞ്ച് ഇന്സ്പെക്ടറായ ബിജുവിനാണ് മൂവംഗ സംഘത്തിന്റെ ആക്രമണത്തില് പരിക്കേറ്റത്. കഴിഞ്ഞ ഞായറാഴ്ച വൈകുന്നേരം 3.30-നാണ് സംഭവം നടക്കുന്നത് .
ഇന്സ്പെക്ടര് സഞ്ചരിച്ചിരുന്ന സ്വകാര്യവാഹനത്തില് കാര് വന്നിടിച്ചതിനെ ചോദ്യംചെയ്തതാണ് മര്ദനത്തിനു കാരണം. ബഹളംകേട്ട് വന്ന ബന്ധുവീട്ടിലുണ്ടായിരുന്ന കോണ്ഗ്രസ് നേതാവും നെടുവത്തൂര് ഗ്രാമപ്പഞ്ചായത്ത് അംഗവുമായ എന്.ജയചന്ദ്രനും പ്രദേശവാസികളും ചേർന്ന് ഉദ്യോഗസ്ഥനെ രക്ഷപ്പെടുത്തി ബന്ധുവീടിന്റെ മതില്ക്കെട്ടിനുള്ളിലാക്കിയെങ്കിലും അക്രമികള് വീണ്ടും മർദിക്കുകയായിരുന്നു
തുടർന്ന് പാരിപ്പള്ളി ഇന്സ്പെക്ടര് അല്ജബ്ബാര്, സബ് ഇന്സ്പെക്ടര് അനുരൂപ എന്നിവരുടെ നേതൃത്വത്തില് ഇന്സ്പെക്ടറെ പാരിപ്പള്ളി മെഡിക്കല് കോളേജ് ആശുപത്രിയില് പ്രവേശിപ്പിച്ചു.
സംഭവത്തില് അക്രമികളായ പരവൂര് പൂതക്കുളം എ.എന്.നിവാസില് മനു (33), കാര്ത്തികയില് രാജേഷ് (34), രാമമംഗലത്തില് പ്രദീഷ് (30) എന്നിവരെ പോലീസ് പിടികൂടി. ജാമ്യമില്ലാ വകുപ്പുപ്രകാരം കേസെടുത്തു
