ദില്ലി: അടിയന്തര ഉപയോഗത്തിന് അനുമതി ലഭിച്ച സൈകോവ് – ഡി വാക്സിന് സെപ്തംബര് മുതല് വിപണിയിലെത്തും. നിര്മാതാക്കളായ സൈഡസ് കാഡിലയാണ് ഇക്കാര്യം വ്യക്തമാക്കിയത്. ഭാരത് ബയോടെക്കിന്റെ കൊവാക്സീന് ശേഷം രാജ്യത്ത് തദ്ദേശിയമായി വികസിപ്പിക്കുന്ന രണ്ടാമത്തെ വാക്സീനാണ് സൈകോവ്-ഡി. കഴിഞ്ഞ ദിവസമാണ് വാക്സിന്റെ അടിയന്തര ഉപയോഗത്തിന് ഡ്രഗ്സ് കണ്ട്രോളര് ജനറല് ഓഫ് ഇന്ത്യ അനുമതി നല്കിയത്.
പന്ത്രണ്ട് വയസിന് മുകളിലുള്ള കുട്ടികള്ക്കും വാക്സിന് നല്കാം.മനുഷ്യരില് ഉപയോഗിക്കുന്ന ആദ്യത്തെ ഡിഎന്എ വാക്സനാകും സൈകോവ്-ഡി. സൂചിയില്ലാതെയാണ് വാക്സിന് കുത്തിവയ്പ്പെന്ന പ്രത്യേകതയും സൈകോവ്-ഡിയ്ക്കുണ്ട്. അഹമ്മദബാദ് ആസ്ഥാനമായി പ്രവര്ത്തിക്കുന്ന സൈഡസ് കാഡിലയാണ് വാക്സീന് വികസിപ്പിച്ചത്. ഒക്ടോബറോടെ മാസം തോറും ഒരു കോടി ഡോസുകള് നിര്മ്മിക്കുമെന്ന് കമ്പനി അറിയിച്ചിട്ടുണ്ട് .
66ശതമാനമാണ് ഫല പ്രാപ്തി. അതേസമയം വില നിശ്ചയിച്ചിട്ടല്ല. അടുത്ത ആഴ്ചയോടെ വില പ്രഖ്യാപിക്കുമെന്ന് കമ്പനി അറിയിച്ചിട്ടുണ്ട്. മൂന്ന് ഡോസ് വാക്സിനേഷന് അനുമതി നല്കാനാണ് വിദഗ്ദ്ധ സമിതി നിലവില് ശുപാര്ശ ചെയ്തിട്ടുള്ളത്. മൂന്ന് ഡോസ് വാക്സിനെടുക്കുന്നതിന്റെ അതേ ഫലപ്രാപ്തി മൂന്ന് മി.ഗ്രാം ഉപയോഗിച്ചുള്ള രണ്ട് ഡോസ് വാക്സിനേഷനും ലഭിക്കുമെന്ന് കമ്പനി അവകാശപ്പെടുന്നുണ്ട്.
പ്രത്യേക അറിയിപ്പ്: കോവിഡ് മഹാമാരിയുടെ രണ്ടാം വരവിന്റെ കാലത്ത് എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹിക അകലം പാലിച്ചും വാക്സിൻ എടുത്തും പ്രതിരോധത്തിന് തയ്യാറാവണമെന്ന് തത്വമയി ന്യൂസ് അഭ്യർത്ഥിക്കുന്നു. ഓർക്കുക ഒന്നിച്ചു നിന്നാൽ നമുക്കീ മഹാമാരിയെ തോൽപ്പിക്കാനാവും. “സർക്കാർ നിർദ്ദേശങ്ങൾ പാലിക്കാം, നമുക്ക് മഹാമാരിയെ ഒന്നിച്ചു നേരിടാം”. വാക്സിന് എടുത്തും, സാമൂഹിക അകലം പാലിച്ചും, മാസ്ക് ധരിച്ചും ഈ മഹാമാരിയെ നമുക്ക് എത്രയുംവേഗം വേരോടെ പിഴുതെറിയാം. #BreakTheChain #CovidBreak #IndiaFightsCorona