“സ്ത്രീകൾ വാ തുറക്കരുത് ….”; കാണ്ഡഹാറില്‍ ‘സ്‌ത്രീശബ്‌ദ’ത്തിനു വിലക്ക്‌; രാജ്യത്ത് സ്ത്രീകൾ കൊടിയ പീഡനങ്ങൾ അനുഭവിക്കുന്നതായി റിപ്പോർട്ട്

കാബൂള്‍: താലിബാൻ ഭീകരർ അഫ്ഗാനിസ്ഥാൻ കീഴടക്കിയതിനു പിന്നാലെ കൊടിയ പീഡനങ്ങളാണ് അഫ്ഗാൻ ജനത ഇപ്പോൾ അനുഭവിച്ചുകൊണ്ടിരിക്കുന്നത്. വീടുകൾ തോറും കയറിയിറങ്ങി നരവേട്ട നടത്തിക്കൊണ്ടിരിക്കുകയാണ് ഭീകരർ. ഇപ്പോഴിതാ മറ്റൊരു ഞെട്ടിപ്പിക്കുന്ന വിവരം കൂടി പുറത്തുവന്നിരിക്കുകയാണ്. അഫ്‌ഗാനിസ്ഥാനിലെ കാണ്ഡഹാറില്‍ ടിവി – റേഡിയോ ചാനലുകളില്‍ സ്‌ത്രീ ശബ്‌ദത്തിനു വിലക്ക്‌ ഏർപ്പെടുത്തിയിരിക്കുകയാണ് താലിബാൻ. ഈ മാസം 15-നു താലിബാന്‍ അഫ്‌ഗാനിസ്ഥാൻ പിടിച്ചടക്കിയതിന്‌ പിന്നാലെ ചില ചാനലുകള്‍ വനിതാ ആങ്കര്‍മാരെ പിരിച്ചുവിട്ടിരുന്നു. ഇതിനു വഴങ്ങാത്ത സ്‌ഥാപനങ്ങള്‍ക്കു താലിബാന്‍ കര്‍ശന നിര്‍ദേശം നല്‍കുകയും ഭീഷണിപ്പെടുത്തുകയും ചെയ്തിരുന്നു.

ഇതിനുപിന്നാലെ കാബൂളിലെ വിവിധ കമ്പനികളും സ്‌ഥാപനങ്ങളും വനിതാ ജീവനക്കാരോട്‌ ഓഫീസിലേക്ക്‌ വരേണ്ടതില്ലെന്നു നിര്‍ദേശിക്കുന്നതായും റിപ്പോര്‍ട്ടുകളുണ്ട്‌. അതേ സമയം സ്‌ത്രീകള്‍ ജോലി ചെയ്യുന്നതിന്‌ തടസമില്ലെന്നും പെണ്‍കുട്ടികള്‍ക്ക്‌ ഇസ്ലാമിക രീതിയില്‍ പഠനം തുടരാമെന്നുമാണ്‌ താലിബാന്റെ ഔദ്യോഗിക നിലപാടിനെ പൂർണ്ണമായും തള്ളുന്നതാണ് ഈ നടപടികൾ.

എന്നാൽ അഫ്ഗാനിലെ പ്രശസ്ത വാർത്ത അവതാരക ശബ്‌നം ദാവ്‌റാൻ നേരത്തെ തന്നെ സ്ത്രീകൾ അനുഭവിക്കുന്ന ഈ ക്രൂരത വെളിപ്പെടുത്തി രംഗത്തുവന്നിരുന്നു. തന്റെ ദുരിതസ്ഥിതി സമൂഹ മാധ്യമങ്ങളിലൂടെയായിരുന്നു അവതാരക വെളിപ്പെടുത്തിയത്. കാബൂള്‍ ആസ്ഥാനമായി പ്രവര്‍ത്തിക്കുന്ന റേഡിയോ ടെലിവിഷന്‍ അഫ്ഗാനിസ്ഥാന്‍(ആര്‍ടിഎ) മാധ്യമപ്രവര്‍ത്തകയായ ശബ്‌നം ദാവ്‌രയെ താലിബാൻ ഭീകരര്‍ തടയുകയായിരുന്നു. സർക്കാർ ഉടമസ്ഥതയിലുള്ള ബ്രോഡ്കാസ്റ്റർ ആർടിഎയ്‌ക്കായി ആറ് വർഷത്തോളമായി ജോലി ചെയ്യുകയായിരുന്നു ദാവ്‌റാൻ. ഇക്കഴിഞ്ഞ ആഴ്ച ഓഫീസിലെ പുരുഷ ഓഫീസർമാർക്ക് പ്രവേശനം അനുവദിച്ചിരുന്നു എന്നാൽ തന്നെ ഓഫീസിൽ പ്രവേശിക്കുന്നത് വിലക്കിയതായും ഓഫീസ് കാർഡ് കാണിച്ചിട്ടും അനുമതി ലഭിച്ചില്ലെന്നും ദാവ്‌റാൻ പറഞ്ഞു. ഭരണം മാറിയതിനാൽ ജോലിയിൽ തുടരാൻ കഴിയില്ലെന്നാണ് ദാവ്‌റാനെ അറിയിച്ചത്.

അവതാരക പറഞ്ഞതിങ്ങനെ: ‘ഞാന്‍ ആര്‍ടിഎയില്‍ പോയെങ്കിലും ഭരണം മാറിയെന്ന് അവര്‍ എന്നോട് പറഞ്ഞു. “നിങ്ങള്‍ക്ക് അനുമതിയില്ല. വീട്ടില്‍ പോകൂ” എന്നാണ് താലിബാൻ ഭീകരർ തന്നോട് പറഞ്ഞത്.

പ്രത്യേക അറിയിപ്പ്: കോവിഡ് മഹാമാരിയുടെ രണ്ടാം വരവിന്റെ കാലത്ത് എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹിക അകലം പാലിച്ചും വാക്‌സിൻ എടുത്തും പ്രതിരോധത്തിന് തയ്യാറാവണമെന്ന് തത്വമയി ന്യൂസ് അഭ്യർത്ഥിക്കുന്നു. ഓർക്കുക ഒന്നിച്ചു നിന്നാൽ നമുക്കീ മഹാമാരിയെ തോൽപ്പിക്കാനാവും. “സർക്കാർ നിർദ്ദേശങ്ങൾ പാലിക്കാം, നമുക്ക് മഹാമാരിയെ ഒന്നിച്ചു നേരിടാം”. വാക്സിന് എടുത്തും, സാമൂഹിക അകലം പാലിച്ചും, മാസ്ക് ധരിച്ചും ഈ മഹാമാരിയെ നമുക്ക് എത്രയുംവേഗം വേരോടെ പിഴുതെറിയാം. #BreakTheChain #CovidBreak #IndiaFightsCorona