തിരുവനന്തപുരം: കേരളത്തിലെ ശരാശരി പകൽ താപനില പരിധികൾ കടന്നതോടെ പല ജില്ലകളിലും സർക്കാർ ജാഗ്രത നിർദേശം നൽകി കഴിഞ്ഞു. കേരളത്തിലെ ഏഴിലധികം ജില്ലകളിലെ ശരാശരി താപനില 40 ഡിഗ്രി കടന്നിരിക്കുന്നു.സംസ്ഥാനത്ത് ആറ് ജില്ലകളിലാണ് ഉയർന്ന താപനില മുന്നറിയിപ്പ് നൽകിയിരിക്കുന്നത്.
സാധാരണയേക്കാൾ രണ്ട് മുതൽ നാല് ഡിഗ്രി സെൽഷ്യസ് വരെ താപനില ഉയരാൻ സാധ്യതയുണ്ടെനന്നാണ് മുന്നറിയിപ്പ്. പാലക്കാട് ഉയർന്ന താപനില 40 ഡിഗ്രി സെൽഷ്യസിന് അടുത്തും കോഴിക്കോട്, കണ്ണൂർ, തൃശ്ശൂർ ജില്ലകളിൽ ഉയർന്ന താപനില 38 ഡിഗ്രി സെൽഷ്യസിന് അടുത്തും തുടരും.
കോട്ടയം, ആലപ്പുഴ ജില്ലകളിൽ ഉയർന്ന താപനില 37 ഡിഗ്രി സെൽഷ്യസിന് അടുത്തും തുടരുമെന്നാണ് മുന്നറിയിപ്പ്.
