നാട്ടിൽ അവധിക്കെത്തിയതിന്റെ പിറ്റേന്ന് പ്രവാസിക്ക് കാട്ടുപൊത്തിന്റെ ആക്രമണത്തിൽ ദാരുണാന്ത്യം, വനമേഖലയല്ലാത്ത പ്രദേശത്ത് വന്യജീവിയുടെ സാന്നിധ്യത്തിൽ ആശങ്ക, ഇന്ന് സംസ്ഥാനത്ത് കാട്ടുപോത്താക്രമണത്തിൽ ജീവൻ നഷ്ടപ്പെട്ടത് മൂന്നുപേർക്ക്!

കൊല്ലം: കാട്ടുപോത്തിന്റെ ആക്രമണത്തിൽ പ്രവാസി മരിച്ചു. ആയൂർ പെരിങ്ങള്ളൂർ കൊടിഞ്ഞൽ കുന്നുവിള വീട്ടിൽ സാമുവൽ വർഗീസ് (60) ആണ് മരിച്ചത്. കഴിഞ്ഞ ദിവസമാണ് സാമുവൽ ദുബായിൽ നിന്നും നാട്ടിലെത്തിയത്. ഇന്ന് രാവിലെ വീടിനോടു ചേർന്ന റബർ തോട്ടത്തിൽ നിൽക്കുമ്പോൾ സാമുവലിനെ കാട്ടുപോത്ത് പിന്നിൽനിന്ന് ആക്രമിക്കുകയായിരുന്നു.

ഗുരുതരമായി പരുക്കേറ്റ സാമുവലിനെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. വനമേഖലയല്ലാത്ത ആ പ്രദേശത്ത് കാട്ടുപോത്ത് വന്നത് എങ്ങനെയെന്നു തിട്ടമില്ല. കാട്ടുപോത്തിനെ പിന്നീട് ചത്ത നിലയിൽ കണ്ടെത്തി.