ദില്ലി: പ്രധാനമന്ത്രി നരേന്ദ്രമോദിക്കെതിരെ ഭീഷണിയുമായി യുവാവ്. അടുത്ത 2-3 വർഷത്തിനുള്ളിൽ പ്രധാനമന്ത്രി നരേന്ദ്രമോദി കൊല്ലപ്പെടുമെന്നാണ് യുവാവ് പറയുന്നത്. നരേന്ദ്രമോദിക്കും ബിജെപി സർക്കാരിനുമെതിരെ ഒരു വിഭാഗം കർഷകർ രാജ്യതലസ്ഥാനത്തിൻ്റെ അതിർത്തിയിൽ പ്രഹസന പരിപാടികൾ നടത്തുകയാണ്. അതിനിടയിലാണ് അടുത്ത 2-3 വർഷത്തിനുള്ളിൽ പ്രധാനമന്ത്രി മോദി കൊല്ലപ്പെടുമെന്ന് ഒരു യുവാവ് പരസ്യമായി ഭീഷണിപ്പെടുത്തുന്ന വീഡിയോ സമൂഹമാദ്ധ്യമങ്ങളിൽ കാട്ടുതീ പോലെ പടർന്നത്.
ഭീഷണി മുഴക്കിയത് കർഷകനാണോ അല്ലയോ എന്ന് സ്ഥിരീകരിച്ചിട്ടില്ല. അയാൾ ഒരു സിഖുകാരനാണെന്ന് വ്യക്തമാണ്. ഒരു മാധ്യമപ്രവർത്തകനോട് സംസാരിക്കവേയാണ് യുവാവ് പ്രധാനമന്ത്രി മോദിയെ കൊല്ലുമെന്ന് പറഞ്ഞത്. 2-3 വർഷത്തിനുള്ളിൽ പ്രധാനമന്ത്രി മോദി കൊല്ലപ്പെടുമെന്ന വാർത്ത നിങ്ങൾക്ക് ലഭിക്കും”. ഇത് കേട്ട റിപ്പോർട്ടർ അതിനോട് പ്രതികരിക്കുകയും അതൊരു വലിയ വാർത്തയാണെന്ന് പറയുകയും ചെയ്യുമ്പോൾ അത് വലിയ ഭീഷണിയാണെന്ന് അയാൾ തിരിച്ച് പ്രതികരിക്കുകയും ചെയ്യുന്നുണ്ട്. കർഷക യൂണിയൻ രാജ്യവ്യാപകമായി ‘ദില്ലി ചലോ’ മാർച്ച് നടത്തുന്ന സമയത്താണ് ഇയാളുടെ മോദി വിരുദ്ധമായ പരാമർശം ഉണ്ടായത്.