കാബൂള്: അഫ്ഗാനിൽ പൊതുസമ്മതനെ പ്രധാനമന്ത്രിയാക്കാന് താലിബാന് തീരുമാനിച്ചെന്നും മുല്ല മുഹമ്മദ് ഹസ്സന് അഖുന്ദിനെയാണ് പ്രധാനമന്ത്രിയായി താലിബാന് പരിഗണിക്കുന്നതെന്നും റിപ്പോർട്ടുകൾ.
യുഎന് ഭീകരവാദികളുടെ പട്ടികയിലുള്ള താലിബാന് നേതാവാണ് ഹസ്സന്. മാത്രമല്ല ഇരുപത് വര്ഷമായി താലിബാന് ഉന്നതാധികാര സഭയായ റെഹ്ബാരി ശുരയുടെ തലവനും അമേരിക്കന് അധിനിവേശത്തിന് മുന്പത്തെ താലിബാന് സര്ക്കാരില് മന്ത്രിയായിരുന്നു ഹസ്സന്. സൈനിക നേതാവ് എന്നതിലുപരി മത നേതാവ് എന്ന നിലയിലാണ് ഹസ്സന് അറിയപ്പെട്ടിരുന്നത്.
താലിബാന്റെ മതനേതാവ് ഷെയ്ഖ് ഹിബാതുള്ള അഖുന്സാദയുമായി അടുത്ത ബന്ധമുള്ള നേതാവുകൂടിയാണ് എന്നത് ഹസ്സന്റെ പേരിലേക്ക് എത്താന് കാരണമായി എന്നാണ് പുറത്ത് വരുന്ന റിപ്പോർട്ട്.
അതേസമയം പാശ്ചാത്യരോടും മുജാഹിദിനുകളോടും ഒരുപോലെ അകലം പാലിക്കുന്ന ഹസ്സന്, പാകിസ്ഥാനില് നിന്നാണ് വിദ്യാഭ്യാസം നേടിയത്. പൊതു വേദികളില് അധികം പ്രത്യക്ഷപ്പെട്ടിട്ടില്ലാത്ത ഹസ്സന്, 2010ല് അമേരിക്കന് സൈന്യത്തിന്റെ പിടിയിലായെന്ന് റിപ്പോര്ട്ടുണ്ടായിരുന്നു.
മുല്ലാ ബരാദറിനെ പ്രധാനമന്ത്രിയാക്കാനുള്ള നീക്കത്തെ എതിര്ത്ത് ഹഖാനി വിഭാഗം രംഗത്തുവന്നതോടെ താലിബാനില് അധികാരത്തെ ചൊല്ലി തര്ക്കം രൂക്ഷമായിരുന്നു.