കാക്കനാട്: വീട്ടില് നിന്ന് സ്വര്ണാഭരണങ്ങള് മോഷണം പോയ സംഭവത്തില് ലോഡ്ജിലെ കെയര്ടേക്കര് അറസ്റ്റില്. സി.പി.ഡബ്ല്യു.ഡി ക്വാര്ട്ടേഴ്സിനടുത്തുള്ള വീട്ടിലാണ് മോഷണം നടന്നത്. പത്തനംതിട്ട മലയാലപ്പുഴ വില്ലേജില് താമസിക്കുന്ന വിഷ്ണുവിനെയാണ് തൃക്കാക്കര പോലീസ് പിടികൂടിയത്.
വിജയലക്ഷ്മി എന്ന സ്ത്രീയുടെ വീട്ടിലാണ് മോഷണം നടന്നത്. വിജയലക്ഷ്മിയുടെ മകന്റെ പരാതിയില് അന്വേഷണത്തിനിടെ സി.സി ടി.വി ദൃശ്യങ്ങളില് നിന്നാണ് പ്രതിയെ തിരിച്ചറിഞ്ഞത്. ഇയാളില്നിന്ന് സ്വര്ണാഭരണങ്ങള് കണ്ടെടുത്തതായി പോലീസ് പറഞ്ഞു.