ശബരിമല മകരവിളക്ക് മഹോത്സവത്തോടനുബന്ധിച്ച് നടക്കുന്ന തിരുവാഭരണഘോഷയാത്രയുടെ ആദിമധ്യാന്തമുള്ള തത്സമയക്കാഴ്ചയുമായി തുടർച്ചയായി നാലാം തവണയും ടീം തത്വമയി. ജനുവരി 12,13,14 തീയതികളിലായി നടക്കുന്ന ഈ തത്സമയക്കാഴ്ച്ചയുടെ മോഷൻ പോസ്റ്റർ പന്തളം കൊട്ടാരം നിർവ്വാഹക സമിതി അധ്യക്ഷൻ പിജി ശശികുമാര വർമ്മ പ്രകാശനം ചെയ്തു.
തത്വമയി ഒരുക്കുന്ന ഈ തത്സമയക്കാഴ്ച ലോകമെമ്പാടുമുള്ള അയ്യപ്പഭക്തർക്ക് തിരുവാഭരണയാത്രയുടെ മഹത്വത്തെ കുറിച്ച് കൂടുതൽ അറിയാൻ ഉപകാരപ്രദമാകും എന്ന് ശശികുമാരവർമ്മ ആശംസിച്ചു.
പന്തളം സ്രാമ്പിക്കൽ കൊട്ടാരവളപ്പിൽ നടന്ന പ്രകാശനകർമ്മ ചടങ്ങിൽ കൊട്ടാരം നിർവ്വാഹക സമിതി സെക്രട്ടറി നാരായണവർമ്മ, വലിയകോയിക്കൽ ശ്രീധർമ്മശാസ്താ ക്ഷേത്ര ഉപദേശക സമിതി പ്രസിഡന്റ് പൃഥ്വിപാൽ, തത്വമയി ടിവി പ്രോഗ്രാം ഹെഡ് സനോജ് നായർ തുടങ്ങിയവർ പങ്കെടുത്തു.
