ദില്ലി: രാജ്യത്തിൻ്റെ സമാധാനം തകർക്കാൻ ശ്രമിക്കുന്ന ഭീകരരെ വെറുതെ വിടില്ലെന്ന് കേന്ദ്ര പ്രതിരോധ മന്ത്രി രാജ്നാഥ് സിംഗ്. പാകിസ്ഥാനിൽ നിന്നെത്തി തീവ്രവാദ പ്രവർത്തനങ്ങൾ നടത്താൻ ശ്രമിച്ചതിന് ശേഷം അതിർത്തി കടന്ന് രക്ഷപ്പെടുന്നവരെ അവിടെയെത്തി വകവരുത്താൻ ഭാരതത്തിന് മടിയില്ലെന്നും അദ്ദേഹം പറഞ്ഞു.
അവർ പാകിസ്ഥാനിലേക്ക് ഒളിച്ചോടിയാൽ അവരെ കൊല്ലാൻ ഞങ്ങൾ പാകിസ്ഥാനിലേക്ക് കടക്കും എന്ന് അദ്ദേഹം വ്യക്തമാക്കി. “പ്രധാനമന്ത്രി പറഞ്ഞതെല്ലാം തികച്ചും ശരിയാണ്. ഇന്ത്യ അത്ര ശക്തമാണ്, പാകിസ്ഥാനും അത് മനസ്സിലാക്കാൻ തുടങ്ങിയിരിക്കുന്നു,” അദ്ദേഹം കൂട്ടിച്ചേർത്തു.
അയൽരാജ്യങ്ങളുമായി നല്ല ബന്ധം നിലനിർത്താനാണ് ഇന്ത്യ എപ്പോഴും ആഗ്രഹിക്കുന്നത്. എന്നാൽ ആരെങ്കിലും ഇന്ത്യയോട് തെറ്റായ രീതിയിൽ പെരുമാറുകയും ഇന്ത്യയിൽ വന്ന് തീവ്രവാദ പ്രവർത്തനങ്ങൾ പ്രോത്സാഹിപ്പിക്കാൻ ശ്രമിക്കുകയും ചെയ്താൽ അവരെ ഞങ്ങൾ വെറുതെ വിടില്ലെന്നും കേന്ദ്രമന്ത്രി പറഞ്ഞു.
