ഭോപ്പാൽ: പ്രണയക്കെണിയിൽ കുടുക്കി കോളേജ് വിദ്യാർത്ഥിനിയെ ഭീഷണിപ്പെടുത്തി മതം മാറ്റാൻ ശ്രമിച്ച യുവാവ് അറസ്റ്റിൽ. മദ്ധ്യപ്രദേശിലെ ഇൻഡോറിലാണ് കോളേജ് വിദ്യാർത്ഥിനിയെ കൊല്ലുമെന്ന് ഭീഷണിപ്പെടുത്തി മതം മാറ്റാൻ ശ്രമിച്ചത്. കേസിൽ അൽഫസ് ഖാൻ എന്ന യുവാവാണ് അറസ്റ്റിലായത്.
ഛോട്ടി ഗ്വാൾട്ടോളിയ്‌ക്കടുത്തുള്ള ഗുജറാത്തി കോളേജിലാണ് അൽഫസ് ഖാനും പെൺകുട്ടിയും പഠിക്കുന്നത്.
ഒരു മാസം മുൻപാണ് അൽഫസ് ഖാൻ വിദ്യാർത്ഥിനിയോട് വിവാഹാഭ്യർത്ഥന നടത്തിയത്. വിദ്യാർത്ഥിനി സമ്മതിച്ചതോടെ മതപരിവർത്തനത്തിനായി ശ്രമം തുടങ്ങി. താൻ സമ്പന്നനാണെന്നും തനിക്ക് ധാരാളം കൃഷിയിടവും കടയുമുണ്ടെന്നുമൊക്കെ അൽഫസ് ഖാൻ പെൺകുട്ടിയോട് പറഞ്ഞു. മതം മാറി വിവാഹം കഴിച്ചാൽ ജീവിതം ഭദ്രമാകുമെന്നായിരുന്നു വാഗ്ദാനം.
എന്നാൽ മതം മാറാൻ വിദ്യാർത്ഥിനി വിസമ്മതിച്ചതോടെ അൽഫസ് ഖാൻ കൊല്ലുമെന്ന് ഭീഷണിപ്പെടുത്തി. തുടർന്ന് ഈ വിവരം വിദ്യാർത്ഥിനി രക്ഷിതാക്കളെയും ഹൈന്ദവ സംഘടനകളെയും അറിയിച്ചു. ഇവരുടെ സഹായത്തോടെ പോലീസിലും പരാതി നൽകി. തുടർന്ന് അൽഫസിനെതിരെ പോലീസ് എഫ്ഐആർ രജിസ്റ്റർ ചെയ്യുകയും അറസ്റ്റ് ചെയ്യുകയുമായിരുന്നു.
