അഖില ഭാരതീയ വനവാസി കല്യാൺ ആശ്രമത്തിന്റെ തൃദിന കാര്യകർത്താ സമ്മേളനം ഒക്ടോബർ 6 മുതൽ 8 വരെ തെലങ്കാനയിലെ ഹൈദ്രബാദ് – ഭാഗ്യ നഗറിൽ സമാപിച്ചു. വിവിധ സംസ്ഥാനങ്ങളിൽ നിന്നുള്ള ഭാരവാഹികളുടെ യോഗത്തിൽ കേരളത്തിൽ നിന്നുള്ള പതിനൊന്നോളം പേർ സജീവമായി പങ്കെടുത്തു. ആകെ 900 ത്തോളം ഭാരവാഹികളാണ് സമ്മേളനത്തിൽ പങ്കെടുത്തത്. വനവാസി കല്യാൺ ആശ്രമത്തിന്റെ വിവിധ പദ്ധതികളെപ്പറ്റി വിശദമായി ചർച്ചയായതായി സഹസംഘടനാ കാര്യദർശി രമേശ് ബാബു തത്വമയിന്യൂസിനോട് പറഞ്ഞു. സമാപന സമ്മേളനത്തിൽ എം. എൻ. രാധാകൃഷ്ണൻ, രാജീവ് കുറ്റ്യട്ടൂർ, ഷൈൻ ശശിധരൻ തുടങ്ങിയവർ പങ്കെടുത്തു.
ഇന്ത്യയിലെ പിന്നോക്ക മേഖലയിൽ പ്രവർത്തിക്കുന്ന സാമൂഹിക സംഘടനയാണു വനവാസി കല്യാൺ ആശ്രം. ചത്തിസ് ഗഡ്‌ സംസ്ഥാനത്തിലെ ജഷ്പൂർ ആണ് ആസ്ഥാനം. രാഷ്ട്രീയ സ്വയംസേവക സംഘത്തിന്റെ ആശയം അടിസ്ഥാനമാക്കി പ്രവർത്തിക്കുന്ന സംഘപരിവാർ സംഘടനയാണ് വനവാസി കല്യാൺ ആശ്രമം
