ഈ വര്ഷത്തെ ഓസ്കര് പുരസ്കാരങ്ങള് പ്രഖ്യാപിച്ചതിന് തൊട്ടുപിന്നാലെ ആരാധകരെ ഞെട്ടിച്ച് നടന് ടൊവിനോ തോമസിന്റെ ഫെയ്സ്ബുക്ക് പോസ്റ്റ്. ഓസ്കര് സദസ്സില് മറ്റുള്ളവര്ക്കൊപ്പമിരിക്കുന്ന ടൊവിനോയുടെ ചിത്രമാണ് ഇപ്പോൾ സോഷ്യൽ മീഡിയയിൽ വൈറലാകുന്നത്. എന്നാല് ഇത് താരത്തിന്റെ പുതിയ ചിത്രമായ ‘ആന്ഡ് ദി ഓസ്കാര് ഗോസ് ടു’വിന്റെ രണ്ടാമത്തെ പോസ്റ്ററാണ്. പോസ്റ്റിനൊപ്പം എല്ലാ ഓസ്കര് വിജയികള്ക്കും ടൊവിനോ അഭിനന്ദനങ്ങളും അറിയിച്ചിട്ടുണ്ട്.
സലിം അഹമ്മദ് സംവിധാനം ചെയ്യുന്ന ചിത്രത്തില് ഒരു ചലച്ചിത്ര സംവിധായകന്റെ വേഷത്തിലാണ് ടൊവിനോ എത്തുന്നത്. അനു സിത്താരയാണ് നായിക. പത്രപ്രവവര്ത്തകയായാണ് അനു സിത്താര ചിത്രത്തില് വേഷമിടുന്നത്. ‘ഒരു കുപ്രസിദ്ധ പയ്യന്’ എന്ന ചിത്രത്തിനു ശേഷം അനു സിത്താരയും ടൊവിനോയും വീണ്ടും ഒന്നിക്കുന്ന ചിത്രം കൂടിയാണിത്.
ഓസ്കര് ജേതാവ് റസൂല് പൂക്കുട്ടി ശബ്ദമിശ്രണം നിര്വ്വഹിച്ച ചിത്രത്തിന്റെ സംഗീതം ചെയ്തത് ബിജിബാല് ആണ്. പ്രധാനമായും കാനഡയില് ചിത്രീകരണം പൂര്ത്തിയാക്കിയ ചിത്രത്തിനിന്റെ ക്യാമറ ചെയ്തത് മധു അമ്ബാട്ട് ആണ്. സിദ്ധിഖ്, സലിം കുമാര്, ശ്രീനിവാസന്, ലാല്, അപ്പാനി രവി എന്നിവരാണ് ചിത്രത്തിലെ മറ്റ് താരങ്ങള്. അലെന്സ് മീഡിയ, കനേഡിയന് മൂവി കോര്പ് എന്നിവരാണ് ചിത്രം നിര്മ്മിക്കുന്നത്.