ലക്നോ: ഉത്തര്‍പ്രദേശിലെ സഹാരന്‍പുരില്‍ അറസ്റ്റിലായ കശ്മീരി യുവാക്കള്‍ നിരോധിത സംഘടനയായ ജയ്ഷെ ഇ മുഹമ്മദുമായി ബന്ധമുണ്ടെന്ന് സമ്മതിച്ചു. പുല്‍വാമ ഭീകരാക്രമണത്തിന്‍റെ സൂത്രധാരന്‍ അബ്ദുള്‍ റാഷീദ് ഗാസിയുമായും ബന്ധമുണ്ടായിരുന്നെന്ന് യുവാക്കള്‍ പോലീസിനു മൊഴി നല്‍കി. ഉത്തര്‍പ്രദേശ് ഡിജിപി ഒ.പി സിംഗ് നടത്തിയ ചോദ്യം ചെയ്യലിലാണ് യുവാക്കള്‍ ഭീകരബന്ധം സമ്മതിച്ചത്. നാലുമണിക്കൂറാണ് അദ്ദേഹം ഇവരെ ചോദ്യം ചെയ്തത്.
സഹാരന്‍പുരിലെ ദേവ്ബന്ദില്‍ വിദ്യാര്‍ഥികളെന്ന വ്യാജനെ കഴിഞ്ഞിരുന്ന കുല്‍ഗാമില്‍ നിന്നുള്ള ഷാനവാസ് അഹമ്മദ് തെലിയും പുല്‍വാമ സ്വദേശിയായ അക്വിബ് അഹമ്മദ് മാലിക്കുമാണു പിടിയിലായത്. വ്യാഴാഴ്ച രാത്രിയാണു ഭീകരവിരുദ്ധസേനാ തലവന്‍ അസിം അരുണിന്‍റെ നേതൃത്വത്തിലുള്ള സംഘം ഇരുവരെയും പിടികൂടിയത്. ഇവരില്‍നിന്ന് ഒരു തോക്കും പിടിച്ചെടുത്തു
