തിരുവനന്തപുരം: കൊവിഡ് വ്യാപനത്തിന്റെ പശ്ചാത്തലത്തിൽ കർക്കടകവാവിന് തിരുവിതാകൂര് ദേവസ്വം ബോര്ഡിന് കീഴിലുള്ള ക്ഷേത്രങ്ങളില് ബലിതര്പ്പണം ഉണ്ടാകില്ല. തിരുവിതാംകൂര് ദേവസ്വം ബോര്ഡാണ് ഇക്കാര്യം അറിയിച്ചത്. ഇന്ന് ചേര്ന്ന ദേവസ്വംബോര്ഡ് യോഗത്തിലാണ് ഇതു സംബന്ധിച്ച തീരുമാനം ഉണ്ടായത്. ഈ വര്ഷം കര്ക്കടക വാവിന് തിരുവിതാകൂര് ദേവസ്വം ബോര്ഡിന്റെ കീഴിലുള്ള ക്ഷേത്രങ്ങളില് ബലിതര്പ്പണം അനുവദിക്കേണ്ടതില്ലെന്നാണ് യോഗത്തിൽ തീരുമാനിച്ചത്.
അതേസമയം കൊവിഡ് വ്യാപനത്തെ തുടര്ന്ന് സാമ്പത്തിക പ്രതിസന്ധി അനുഭവിക്കുന്ന തിരുവിതാംകൂര് ദേവസ്വംബോര്ഡിന് സംസ്ഥാന സര്ക്കാര് പത്ത് കോടി രൂപ അനുവദിച്ച് ഉത്തരവായതായി ദേവസ്വം ബോര്ഡ് പ്രസിഡന്റ് അഡ്വ എന് വാസു അറിയിച്ചു. സാമ്പത്തിക സഹായം അനുവദിച്ച് നല്കിയ സംസ്ഥാന സര്ക്കാരിനോടുള്ള ബോര്ഡിന്റെ നന്ദി അറിയിക്കുന്നതായും അദ്ദേഹം വ്യക്തമാക്കി.
