തിരുവനന്തപുരം: ജർമ്മനിയും നോര്ക്ക റൂട്ട്സും സംയുക്തമായി നടപ്പാക്കുന്ന പദ്ധതിയാണ് ട്രിപ്പിള് വിന് പദ്ധതി.ദ്ധതി മുഖേന നഴ്സിങ്ങ് മേഖലയില് നിയമനം ലഭിച്ചവരുടെ ആദ്യ സംഘം ജർമ്മനിയിലേയ്ക്ക് യാത്രതിരിച്ചു. കഴിഞ്ഞ ഡിസംബറില് തിരഞ്ഞെടുക്കപ്പെട്ട ആദ്യ ബാച്ചില് നിന്നുളള കോട്ടയം സ്വദേശി അയോണ ജോസ് , തൃശ്ശൂര് സ്വദേശി ജ്യോതി ഷൈജു എന്നിവരാണ് ആദ്യ സംഘത്തിലുള്ളത്. ട്രിപ്പിള് വിന് പദ്ധതിയുടെ ഭാഗമായി ഓരോ ഘട്ടത്തിലും എല്ലാ സഹായങ്ങളും പിന്തുണയും നോര്ക്ക റൂട്ട്സിന്റെ ഭാഗത്തുനിന്നും ലഭിച്ചതിനും ഇരുവരും പ്രത്യേകം നന്ദി അറിയിച്ചു.
കഴിഞ്ഞ ദിവസം തിരുവനന്തപുരം നോര്ക്ക സെന്ററില് നടന്ന ചടങ്ങില് ഇരുവര്ക്കും നോര്ക്ക റസിഡന്റ് വൈസ് ചെയര്മാന് ശ്രീ. പി ശ്രീരാമകൃഷ്ണൻ വിമാനടിക്കറ്റുകള് കൈമാറിയിരുന്നു. കേരളത്തില് നിന്നുളള നഴ്സിങ്ങ് പ്രൊഫഷണലുകളെ ജര്മ്മനിയിലെ ആരോഗ്യമേഖലയിലേ്ക്ക് റിക്രൂട്ട് ചെയ്യുക എന്ന ലക്ഷ്യത്തോടെ 2021 ഡിസംബറിലാണ് സംസ്ഥാന സര്ക്കാര് സ്ഥാപനമായ നോര്ക്ക റൂട്ട്സും, ജര്മ്മന് ഗവണ്മെന്റും ട്രിപ്പിള് വിന് പദ്ധതിയുടെ ധാരണാപത്രം ഒപ്പുവെച്ചത്. തുടര്ന്ന് 2022 മെയ് മാസത്തിലായിരുന്നു ആദ്യ ഇന്റര്വ്യൂ.