തിരുവനന്തപുരം- മദ്യപിച്ച് ആംബുലന്സ് ഓടിച്ച ഡ്രൈവര് പിടിയില്. ഞായറാഴ്ച രാത്രി 9.30ഓടെയാണ് പത്തനാപുരം ആയിരനെല്ലൂര് സ്വദേശി ഷൈന് മോനെ(39) മെഡിക്കല് കോളേജ് പോലീസ് പിടികൂടിയത്.
നെടുമങ്ങാട് ജംഗ്ഷനില് ഐ എസ് ആര് ഒയുടെ ബസില് ഇടിച്ച ആംബുലന്സ് നിര്ത്താതെ പോകുകയായിരുന്നു.തുടര്ന്ന് നാട്ടുകാര് വിവരം പോലീസിനെ അറിയിച്ചു.
മെഡിക്കല് കോളേജിലേക്ക് ആംബുലന്സ് വരാന് സാധ്യതയുണ്ടെന്ന് അറിയിപ്പ് ലഭിച്ചതിനെ തുടര്ന്ന് പോലീസ് വാഹനപരിശോധന ആരംഭിച്ചു.ആംബുലന്സ് തടഞ്ഞുപരിശോധിച്ചപ്പോള് ഷൈന്മോന് മദ്യലഹരിയിലായിരുന്നെന്ന് മെഡിക്കല് കോളേജ് പോലീസ് പറഞ്ഞു.
