ഇരിട്ടി: കണ്ണൂർ ഇരിട്ടിയിൽ നിയന്ത്രണംവിട്ട കാര്‍ റോഡരികില്‍ നിര്‍ത്തിയിട്ട മിനി ഗുഡ്സിലിടിച്ച് അപകടം. അപകടത്തില്‍ കാറിന്റെ മുന്‍ഭാഗം പൂര്‍ണമായും ഗുഡ്സ് വാഹനം ഭാഗികമായും തകര്‍ന്നു. കഴിഞ്ഞ ദിവസം രാവിലെ ആറോടെ ഉളിയില്‍ ടൗണ്‍ പള്ളിക്ക് സമീപം വെച്ചാണ് അപകടമുണ്ടായത്.
അപകടത്തില്‍ രണ്ടുപേര്‍ക്ക് പരിക്ക്. ഉളിയില്‍ സ്വദേശികളായ സി.എം. നസീര്‍ (44), അജാസ് (19) എന്നിവർക്കാണ് പരിക്കേറ്റത്. അപകടത്തിൽ പരിക്കേറ്റവരെ കണ്ണൂരിലെ സ്വകാര്യ ആശുപത്രിയില്‍ പ്രവേശിപ്പിച്ചു. അതേസമയം നരയമ്പാറയില്‍ നിന്ന് വള്ളിത്തോടിലേക്ക് പോവുകയായിരുന്ന കാറാണ് ഗുഡ്സ് വാഹനത്തിലിടിച്ചത്. ഈ വാഹനത്തിന് സമീപം സംസാരിച്ചു കൊണ്ടിരുന്നവർക്കാണ് പരിക്കേറ്റത്.
