ഇടുക്കി : തൊടുപുഴയില് തൊമ്മന്കുത്ത് പുഴയില് കുളിക്കാനിറങ്ങിയ രണ്ട് യുവാക്കൾ മുങ്ങിമരിച്ചു. കുടുംബ സുഹൃത്തുക്കളായ മോസിസ് ഐസക്ക്(17) ബ്ലസന് സാജന്(25) എന്നിവരാണ് ഇന്നുച്ചയോടെ ഉണ്ടായ അപകടത്തിൽ മരിച്ചത്.
ക്രിസ്മസ് ആഘോഷിക്കാനായി ഇരുവരും കുടുംബങ്ങള്ക്കൊപ്പം തൊമ്മന്കുത്ത് വെള്ളച്ചാട്ടം കാണാനെത്തിയതായിരുന്നു. വെള്ളച്ചാട്ടം സന്ദര്ശിച്ച് മടങ്ങുന്നതിനിടെ ഇവര് പള്ളിയുടെ സമീപത്തെ കടവില് കുളിക്കാനിറങ്ങിയത്.
ഒരു പെണ്കുട്ടിയും മരിച്ച യുവാക്കളും പുഴയിലിറങ്ങിയതെന്നാണ് നാട്ടുകാര് പറയുന്നത്. മൂവരും കയത്തില് അകപ്പെട്ടെന്നാണ് വിവരം. നിലവിളി കേട്ട് ഓടിയെത്തിയ നാട്ടുകാര് പെണ്കുട്ടിയെ രക്ഷപ്പെടുത്തി. ഏറെ നേരത്തെ തിരച്ചിലിന് ശേഷം മോസിസ് ഐസക്കിനെയും ബ്ലസന് സാജനെയും കരയ്ക്കെത്തിച്ച് ഉടന്തന്നെ സമീപത്തെ സ്വകാര്യ ആശുപത്രിയില് എത്തിച്ചെങ്കിലും മരിച്ചിരുന്നു.