പ്രവാസികൾ ചതിയിൽപ്പെടുന്നത് ഇന്ന് ഒരു സ്ഥിരം സംഭവമാണ്. തൻറേതല്ലാ കാരണങ്ങൾകൊണ്ട് നിരവധിപ്പേർ ഇപ്പോഴും ഗൾഫ് രാജ്യങ്ങളിലും സ്വന്തം നാട്ടിലും ശിക്ഷ അനുഭവിക്കുന്നുണ്ട്. ഇത്തരത്തിൽ സമകാലിക പ്രസക്തി ഉള്ള ഒരു വിഷയം വളരെ ലളിതമായി ചുരുക്കം സമയങ്ങൾക്കുള്ളിൽ ജന മനസുകളിൽ എത്തിച്ചിരിക്കുകയാണ് ഈ യുവാക്കൾ.
9 മിനിറ്റ് ദൈര്ഘ്യമുള്ള ഈ ഷോർട്ട് ഫിലിം ഇതിനോടകം തന്നെ സമൂഹ മാധ്യമങ്ങളിൽ വൈറലായിക്കഴിഞ്ഞു. UNEXPECTED എന്ന് പേര് നൽകിയിരിക്കുന്ന ഹ്രസ്വചിത്രം സംവിധാനം ചെയ്തിരിക്കുന്നത് നവാഗത സംവിധായകൻ ദീപു മോഹനാണ്. പ്രവാസ ജീവിതത്തിലെ തിരക്കുകൾക്കിടയിൽ അവധി ആഘോഷിക്കാനായി നാട്ടിലേക്ക് വരുന്ന ഒരു പ്രവാസിയുടെ ജീവിതത്തിൽ സുഹൃത്തുക്കളുടെ ഒരു നിമിഷത്തെ അശ്രദ്ധമൂലം സംഭവിക്കുന്ന കാര്യങ്ങളാണ് ചിത്രത്തിൽ പ്രതിപാദിച്ചിരിക്കുന്നത്.
