കോട്ടയം: കരിമൂര്ഖന്റെ കടിയേറ്റ് കോട്ടയം മെഡിക്കല് കോളജില് ചികിത്സയില് കഴിയുന്ന വാവ സുരേഷിന് നാളെ ആശുപത്രി വിടാമെന്ന് ഡോക്ടർ അറിയിച്ചു.
ആരോഗ്യനിലയില് നല്ല പുരോഗതിയുണ്ടെന്നും, നേരിയ പനി ഒഴിച്ചാല് കാര്യമായ ആരോഗ്യപ്രശ്നങ്ങള് ഇല്ലെന്നും ആശുപത്രി സൂപ്രണ്ട് ഡോ. ടി.കെ. ജയകുമാര് പറഞ്ഞു. തിങ്കളാഴ്ചയോടെ ആശുപത്രി വിടാന് കഴിഞ്ഞേക്കുമെന്നും ഡോക്ടര് പറഞ്ഞു.
കോട്ടയം മെഡിക്കല് കോളജ് ആശുപത്രിയില് മികച്ച ചികിത്സയും പരിചരണവും ആണ് ലഭിച്ചത്. ഇവിടത്തെ ഡോക്ടര്മാരുടെ ശ്രമഫലമായിട്ടാണ് ജീവിതത്തിലേക്ക് തിരിച്ചുവന്നതെന്ന് സുരേഷ് പറഞ്ഞു.
