ഭർത്താവിന്റെ അവിഹിതബന്ധം ഭാര്യ തടഞ്ഞു; യുവാവ് പക വീട്ടിയത് ഭാര്യയുമൊത്തുള്ള കിടപ്പറ ദൃശ്യങ്ങൾ പുറത്തുവിട്ടുകൊണ്ട്!

മുംബൈ: ഭർത്താവിന്റെ അവിഹിതബന്ധം ഭാര്യ തടഞ്ഞതിനെ തുടർന്ന് ഭാര്യയോട് പക വീട്ടി യുവാവ്.
ഭാര്യയുമൊത്തുള്ള കിടപ്പറ ദൃശ്യങ്ങൾ പരസ്യപ്പെടുത്തികൊണ്ടാണ് ഇയാൾ പക വീട്ടിയത്. മറ്റൊരു യുവതിയെ വിവാഹം കഴിക്കാനായി നിലവിലെ ഭാര്യയെ ഡിവോഴ്സ് ചെയ്യുക എന്നതായിരുന്നു ഇയാളുടെ ലക്ഷ്യം. മുംബെെ ഡോംബിവ്‌ലിയിലാണ് സംഭവം. യുവാവിനെതിരെ ഭാര്യ പോലീസിൽ പരാതി നൽകിയിരിക്കുകയാണ്.

മറ്റൊരു യുവതിയെ വിവാഹം കഴിക്കുന്നതുമായി ബന്ധപ്പെട്ട് ഭാര്യയ്ക്കും ഭർത്താവിനും ഇടയിൽ തർക്കം നടക്കുകയായിരുന്നു. ഇതിനിടയിലാണ് പ്രകോപിതനായ ഭർത്താവ് സോഷ്യൽ മീഡിയയിൽ താനുമായുള്ള ഭാര്യയുടെ കിടപ്പറ ദൃശ്യങ്ങൾ പുറത്തുവിട്ടത്. തുടർന്ന് യുവതി മൻപാഡ പോലീസ് സ്റ്റേഷനിലെത്തി പരാതി നൽകുകയായിരുന്നു. യുവതിയുടെ പരാതി പ്രകാരം ഭർത്താവിനും കുടുംബാംഗങ്ങൾക്കുമെതിരെ പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.